Србакоски се соочува со затворска казна за ширење на говор на омраза<br />Детската амбасада МЕЃАШИ вчера, 20.8.2023 упати писмено барање до Министерството за внатрешни работи со цел да се заштити активистот Зоран Мијалков а сторителот да се казни согласно Законот. <br />За жал ова не е првпат Зоран Мијалков да е цел на напади, но овојпат овие пораки не го погодуваат само него лично како родител туку и сите родители на деца со атипичен развој. <br />Многу луѓе реагираа на социјалните мрежи но сметаме дека за да се спроведува правдата мора да се обраќаме пред сѐ до надлежните служби, и тоа што повеќе граѓани/ки , со цел да направиме притисок. Сторителот треба да се казни и конечно да го отстраниме феноменот на неказнивост бидејќи говорот на омраза е честа појава на социјалните мрежи. Жртвите немаат доверба во системот и доколку ова остане неказнето, само ќе се поткрепи сѐ почестата појава на говор на омраза а истата потоа поттикнува насилство и дела од омраза, за жал.
