<br /><br />حيت ديما كتشوفا غير مزوقة<br />كيف ما ديما الناس مجوقة<br />عمرك تشوفا كيفما كنشوفوها من تحت ماشي كيفما فوق<br />على بالك بلي الراس مبوقة<br />على بالك بلي تحت معوقة<br />على بالك بلي شحال من واحد عينو فيها باغي الفرصة باش يحرقا<br />شحال من واحد تاقت فيه و سرقا<br />شحال من واحد باعا غير بالمرقة<br />شحال من واحد خارج يهدر على حقو و شحال من واحد خارج باش يفرقا<br />دابا عاقت بلي غير كنافقا<br />بلي داخل طامع غير فرزقا<br />و بلي ما شاف منا غير الدمعة و الدم و باقي من قلبو كيعشقا<br />ملي بلادي تولي قصح من الغربة<br />ملي حياتي فيها تولي كمبا<br />ملي مايبقالي فيها والو ماخاسر والو كنولي غير بمبا<br />آجي عيش معانا اذا باغي تفهم<br />وريني كيفاش تحضرلي درهم<br />كين الحبس و مقابر عاندك قلب تغامر؟ وريني كيف تخرج من جهنم<br />آجي تشوف سنينا كيف يفوتو<br />أجي باش تشوف كيفاش نموتو<br />أجي تشوف الپوڤري كيف مكرفص صاطم على نفسو باش يدخل قوتو<br />أجي معايا فتح عينك و زومي<br />قرب مني باش تفهم همومي<br />أجي عيش معايا غير نهار و ليلة باش تقارن بين يومك و يومي<br /><br />[اللازمة]<br /><br />أجي معايا شوف بعينك و ما تلومني<br />الدراري بين الزناقي عايشين كيف الزومبي<br />ما على بالي بيك ولا اللي معاك يبغيوني<br />خوتي نشوف الحالة ديالم يبكيوني<br />....اجي معايا <br /><br />[ II المقطع]<br /><br />خوتي فوق الفلوكة<br />خوتي تحت الرموكة<br />خوتي تاقو فالموت ملي الطموح يتبلوكا<br />جيل كفكر يبراكي البنوكا<br />كلشي باغي لاڤيدا لوكا<br />كلشي ولى القدوة ديالو پابلو الپاطرون دالكوكا<br />قلي شكون اللي دخل الضروكا<br />الشباب ديالنا كامل عامل اليوكا<br />المجتمع ولى غابة باش نعيشو فيها خاص على كتافي بازوكا<br />جنراسيون كتسيل ريوكا<br />خلات غير الشيطان اللي يسوكا<br />ماعلى بالا بلي كاين الدنيا و الدين و لاڤيدا عاشوها الكنوكا<br />ولد بلادي قاري و غير بطالي<br />بطالي فالحومة غير مكالي<br />ملي ما تبدل والو بنادم ولى كاشف و بالي<br />ما ضاع والو غير العمر الغالي<br />كلشي ديالك حتى حاجة ما ديالي<br />مالو مالي ولى مالك ملي ماعلى بالك بيا ولا أنا مالي؟!<br />مساخط حنا ولا الدنيا مسخوطة؟<br />تفلسنا حيت الحياة سلكوطة؟<br />ولا نتا اللي خليتينا فقرا ولا الميزيرية فينا مزعوطة؟<br />هذا الفقر كغني بلا نوطة<br />باش تفهمني فك ودنك مربوطة<br />أجي معايا نتا هو راس الخيط شوف الحل قبل ما تتخبل الخيوطة<br /><br />[اللازمة]<br /><br />اجي معايا شوف بعينك و ما تلومي<br />الدراري بين الزناقي عايشين كيف الزومبي<br />ما على بالي بيك ولا اللي معاك يبغيوني<br />خوتي نشوف الحالة ديالم يبكيوني<br />....اجي معايا
