• كانبكي وانا ضاحك و دموعي ماكتبان <br />• ما قادر نبكي كيف الناس حيت قالو فنان <br />• خاصم نبان ديما ضاحك خاطيني الأحزان <br />• ونساو بلِّي حتى الفنان فأصلو إنسان x2<br /><br /><br />• ستيلو فيدي خايف يكتب لي باغي نقول <br />• الورقة الكحلة كانت بيضة حيت المداد مدفول <br />• السوايع كاتموت كانحس بلي الوقت مشلول <br />• ولساني مطاوع قلبي وعقلي كايشوفني مقتول <br />• راك مكلّخ إذا فكرتي يشريوني<br />• و راك كاتفكر إذا فكرتي يمحيوني <br />• وحيت كايفكرو مزيان فكروا يخليوني<br />• وماخليتومشِ يكسيوني باش مايعريوني<br />• جمهوري عجبو الفن. عدياني شراولي كفن <br />• وأحبابي خايفين اسمعوا شي نهار ضربني الطران<br />• أ راسي لا تحزن إذا ساؤو فيك الظن <br />• غدا يعرفوا الصح ملي التاريخ يبرهن <br />• إسمي كايخلع أوباما و كيقولو بعت الطرح <br />• موسيقتي ماشي ضاما موسيقى ديالي جرح <br />• حس بيا و فهم شني باغي نقول <br />• أما غير الفلوس را بلا مانقول<br /><br /><br />• كانبكي وانا ضاحك و دموعي ماكتبان <br />• ما قادر نبكي كيف الناس حيت قالو فنان <br />• خاصم نبان ديما ضاحك خاطيني الأحزان <br />• ونساو بلِّي حتى الفنان فأصلو إنسان x2<br /><br /><br />• ماعرفت علاش كنسى راسي و كانفكر فبنادم <br />• دموعي تسيل مع المظلوم و كَلُّوم الظالم <br />• وخا فهاد الزمان كل واحد فبحرو عايم<br />• كانغرق راسي فمشاكل و غير ربي لي عالم <br />• شكون لي حاس بيا ؟؟ شكون كايشوف دموعي ؟<br />• بزاف دايرين بيا الوحدة تشق ضلوعي<br />• العديان بعاد عليا عساسٍين على وقوعي <br />• العشران كايتبدلو عليا كل ما زدت درجة فطلوعي<br />• كانحاول نبقا أنا وخا أنا خرجت من طوعي<br />• كانحترم راسي حيتاش راسي عمرو كان مشروعي <br />• كانتيق فربي يغفر لي وخا مقصَّر فركوعي <br />• ملي كاتضلام عليا الدنيا الدعاوي ديما شموعي <br />• أصاحبي شكاتحسد ؟ فواحد قلبوا جمد ؟<br />• باغي تكون فحال لي وليت بلا ما نقصد <br />• الدنيا كاتبرد. العالم كايتحد<br />• غاتولي تضحك ونتا باكي وماشافك حد<br /><br /><br />• كانبكي وانا ضاحك و دموعي ماكتبان <br />• ما قادر نبكي كيف الناس حيت قالو فنان <br />• خاصم نبان ديما ضاحك خاطيني الأحزان <br />• ونساو بلِّي حتى الفنان فأصلو إنسان x2<br /><br /><br />• ذكاترة و شمكارا حافضٍين الرسالة <br />• حيت كولشي صبروا تسال فبلاد البطالة<br />• الشعب ماراضي بالذل و البلاد ماعجبا حالة<br />• قلتلو عشيري تبدل خلي المرقة بدالة<br />• مافراسكش عايش ريجيم <br />• كناكل بيت سيك و كنحلي غير بليريم <br />• الراب تايق فيا و أنا ما باغي نخليه يتيم <br />• مشيت بيه بعيد جرب نتا جرو ميلم <br />• كليبات ألبومات الستوديو من جيبي <br />• ما أنا صاحبي وزير ما أنا برلماني حبيبي <br />• كانحرق لاصين بكاشي محكور حيت أنا مغربي<br />• الواقع د الفن كحل وخا كانبان لك شيبي <br />• الشهرة . التصاور . الأضواء و التلفزة <br />• شحال من فنان مات و ما خلا فلوس لجنازة <br />• يمكن حيت العاقة كتموت فالخرمازة<br />• و الراب هو الراب والدرهم بالقفازة<br /><br /><br />• كانبكي وانا ضاحك و دموعي ماكتبان <br />• ما قادر نبكي كيف الناس حيت قالو فنان <br />• خاصم نبان ديما ضاحك خاطيني الأحزان <br />• ونساو بلِّي حتى الفنان فأصلو إنسان x2
