Akarere ka Nyaruguru kaje ku isonga mu kwesa imihigo y’umwaka wa 2019/20 n’amanota 84% gakurikiwe n’aka Huye na Rwamagana nka dutatu twa mbere mu gihe Nyabihu, Karongi na Rusizi aritwo twa nyuma.<br /><br />Gutangaza uko uturere twakurikiranye byamurikiwe Umukuru w’Igihugu mu muhango wabereye muri Epic Hotel i Nyagatare kuri uyu wa Gatanu, nyuma y’uko iki gikorwa cyari cyasubitswe umwaka ushize kugira ngo havugururwe ibiba bikubiye mu mihigo.<br /><br />Ubwo yamurikaga uko imihigo ya 2019/2020 yashyizwe mu bikorwa ndetse n’ibikorwa by’ingenzi bizibandwaho mu mihigo y’umwaka wa 2020/2021, Minisitiri w’Intebe, Dr Edouard Ngirente, yavuze ko mu rwego rw’Intara, Uburasirazirazuba bwaje ku isonga, bukurikirwa n’Amajyepfo, Umujyi wa Kigali, Amajyaruguru mu gihe Uburengerazuba aribwo bwaje ku mwanya wa nyuma.<br /><br />Uturere dutatu twa mbere muri uyu mwaka ni Nyaruguru yagize amanota 84%, Huye yagize 82.8% na Rwamagana yagize 82,4%. Rusizi yabaye iya nyuma yagize amanota 50%.<br /><br />Subscribe: https://www.youtube.com/IgiheTV?sub_confirmation=1<br />Facebook: https://web.facebook.com/igihe<br />DailyMotion: https://www.dailymotion.com/igihetelevision<br />Twitter: https://twitter.com/IGIHE<br />Instagram: https://www.instagram.com/igiheofficial<br />Flickr: https://www.flickr.com/photos/igihepictures/<br />Website: http://igihe.com/<br /><br />#IGIHE #Rwanda
