Kinostudio "Shqiperia e Re" - 1974<br />Baleti "Cuca e maleve" nuk dihet ekzaktesisht pse eshte klasifikuar si film. Gjithsesi!<br />Baleti “Cuca e maleve” është i bazuar në subjektin e dramës me të njëjtin titull të shkrimtarit Loni Papa. Në këtë vepër pasqyrohen përpjekjet dhe lufta e grave dhe vajzave shqiptare në trevat e Veriut të Shqiperisë për arsimim dhe emancipim në periudhën e pasluftës.<br /><br />Në vitin 1970, bashkëautorët Loni Papa dhe Agron Aliaj krijuan libretin e baletit «Cuca e Maleve». Baleti u vu në skenë nga trupa e Teatrit të Operas dhe Baletit nën koreografinë e baletmaestrit Agron Aliaj dhe me muzikë të kompozitorit Nikolla Zoraqi. Në të kanë interpretuar artistë të shquar shqiptarë si Zoica Haxho, Mukades Erebara, Petrit Vorbsi, Hajdar Shtuni, Albert Janku etj.<br /><br />Baleti «Cuca e Maleve» u rivu në skenën e Teatrit të Operas dhe Baletit në vitin 1984 ku protagonistë të tij ishin balerinë të rinj dhe të talentuar si Albana Sulejmani, Ilir Kerni, Ludmill Çakalli etj.<br /><br />Baleti «Cuca e Maleve» është shfaqur brenda dhe jashtë Shqiperisë.<br /><br />Ky balet është ekranizuar në formën e një filmi muzikor me regjizor Dhimitër Anagnostin në vitin 1974 dhe është pasqyruar disa herë në filatelinë shqiptare të asaj kohe.
