Bike Accident In Hayathnagar : సోషల్ మీడియాలో హైలెట్ అవ్వడానికి, లైక్స్ కోసం రీల్స్ చేస్తూ, యువకులు తమ ప్రాణాల మీదకు తెచ్చుకున్న ఘటన రంగారెడ్డి జిల్లాలో చోటు చేసుకుంది. నిన్న సాయంత్రం హయత్ నగర్ పోలీస్ స్టేషన్ పరిధిలోని పెద్దఅంబర్పేట్ సమీపంలో జాతీయ రహదారిపై వర్షంలో కెటిఎమ్ బైక్ పై ఇద్దరు యువకులు స్టంట్స్ రీల్స్ చేసే ప్రయత్నం చేశారు. బైక్తో స్టంట్స్ చేస్తుండగా అదుపుతప్పి బైక్ కిందపడిపోయింది. ఈ ఘటనలో శివ అనే యువకుడికి తీవ్ర గాయాలై మృతి చెందాడు. డ్రైవింగ్ చేస్తున్న మరో యువకుడికి తీవ్ర గాయలు అయ్యాయి.
