Gullalamoda Missile Testing Centre Move to Gujarat?: ఐదేళ్ల పాలనలో వైఎస్సార్సీపీ ప్రభుత్వం సాగించిన విధ్వంసం పారిశ్రామిక అభివృద్ధిని దూరం చేయడమే కాకుండా ప్రతిష్టాత్మక క్షిపణి పరీక్ష కేంద్రం ఏర్పాటును ప్రశ్నార్థకం చేసింది. కేంద్ర అటవీ, పర్యావరణ మంత్రిత్వశాఖ నుంచి రెండో దశ అనుమతులు మంజూరైనప్పటికీ కృష్ణా జిల్లా దివిసీమ ప్రాంతం గుల్లలమోదలో ఏర్పాటు చేయాల్సిన క్షిపణి పరీక్ష కేంద్రం ఇప్పుడు ఆంధ్రప్రదేశ్కు బైబై చెప్పి గుజరాత్లో ఏర్పాటు దిశగా ప్రయత్నాలు జరుగుతున్నట్లు అత్యంత విశ్వసనీయ సమాచారం. అధికారికంగా ఇంకా ఎలాంటి ప్రకటన రాకపోయినప్పటికీ తాజా పరిణామాలు అనుమానాలకు బలాన్ని చేకూరిస్తున్నాయి.
