World Photography Day 2024 Exhibition : వరల్డ్ ఫొటోగ్రఫీ డే సందర్భంగా హైదరాబాద్ సెంటర్ ఫర్ ఫొటోగ్రఫీ సంస్థ తెలంగాణ పర్యాటక శాఖతో కలిసి స్టేట్ ఆర్ట్ గ్యాలరీలో ప్రత్యేక ప్రదర్శన ఏర్పాటు చేసింది. భిన్నమైన భావాలను తనలో బంధిస్తూ చరిత్రను, సాంస్కృతిక వారసత్వాన్ని ముందు తరాలకు తెలియజేసే గొప్ప శక్తి చిత్రాలకుందని నిర్వాహకులు తెలిపారు. ప్రకృతి, పర్యావరణం, జీవనశైలి, ట్రావెల్, నగర జీవనం, అపురూప కట్టడాలు వంటి వివిధ విభాగాల్లో ప్రదర్శన ఏర్పాటు చేశారు. 500కు పైగా వచ్చిన చిత్రాల్లో నుంచి 42 ప్రత్యేకమైన వాటిని ఎంపిక చేసి ఈనెల 18 నుంచి ఈనెల 31 వరకు ప్రదర్శిస్తామని నిర్వాహకులు చెప్పారు.
