Seyyid Taleh - Yalan dunya - Bizi derde salan dunya<br /><br /><br />Mehemmed Huseyn Shehriyarin sheri.<br /><br /><br />Yalan dünya! Yalan dünya!<br /><br />Sənin bəhrən yeyən kimdir?<br />Kiminkisən? Yiyən kimdir?<br />Sənə doğru deyən kimdir?<br />"Yalan dünya, yalan dünya!"<br /><br />Səni fərzanələr atdı,<br />Qapıb divanələr tutdu,<br />Kimi aldı, kimi satdı,<br />Satan dünya, alan dünya,<br /><br />Atı əzəl dağa saldıq,<br />Yorulduqca dala qaldıq.<br />Atı satdıq, ulaq aldıq,<br />Yəhər oldu palan, dünya.<br /><br />Çatıb səndən keçən keçdi,<br />Əcəl camın içən keçdi,<br />Olan-oldu, keçən-keçdi,<br />Nə istirdin alan dünya.<br /><br />Boğulaydın doğan yerdə,<br />Doğub, xalqı boğan yerdə,<br />Oğul nəşin oğan yerdə<br />Ana zülfün yolan dünya.<br /><br />Qazanıb, hey talanıbsan,<br />Qalanıb hey calanıbsan,<br />Əzəldən çalxalanıbsan,<br />Yenə də çalxalan, dünya!<br /><br />Nənə qarnı ilk beşiyin,<br />Qəbristanlıq sən deşiyin.<br />Nə içərin, nə eşiyin,<br />Qaranlıq bir dalan dünya.<br /><br />Səni bayquşlar alqışlar,<br />Dəli viranəni xoşlar.<br />Dolan əqlə səni boşlar,<br />İçi boşla dolan dünya.<br /><br />Sənə Qarunlar allandı,<br />Qızıldan təlli qallandı,<br />Batıb zülmatə quylandı,<br />Ölüb təlli qalan dünya.<br /><br />Ocaq ikən sönəymişsən,<br />Çanaq ikən çönəymişsən,<br />Nə pis qan nənəymişsən<br />Nağıl! Yalan-palan dünya.<br /><br />Biri ayna, biri pasdır,<br />Biri aydın, biri kasdır,<br />Gecə toydur, səhər yasdır,<br />Gül içində solan dünya.<br /><br />İgidlərin başın yeyən,<br />Qocalar bozbaşın yeyən,<br />Qəbirlərin daşın yeyən,<br />Özü yenə qalan dünya!<br /><br />Nə qandın, kim gül əkəndir?<br />Kim qılınc tək qan tökəndir?<br />Teymur hələ kürəkəndir,<br />Çingiz canın alan dünya.<br /><br />Yaman qurğu, yığılaydın!<br />Tufanlarda boğulaydın!<br />Noleydi bir dağılaydın,<br />Bizi dərdə salan dünya...<br /><br />Rəsmi kanalımıza abunə olun <br />http://wedia.link/UPbm1<br /><br />Facebook <br />http://wedia.link/7uUqF<br /><br />instagram <br />http://wedia.link/p3N5X<br /><br />Tiktok <br />http://wedia.link/C7OzV<br /><br />Twitter <br />http://wedia.link/ZuDU3<br /><br />(tam adı: Asadov Tale Mirhadi oğlu) - Azərbaycanlı ilahiyyatçı - din xadimi; Əhlibeyt (a,s) Məddahı, mərsiyyəxan.<br />”Azərbaycan İlahi nəğmələr qrupu” -nun rəhbəri.<br /><br />Asadov Taleh Mirhadi oglu 1988-ci il avqust ayının 2-si, Masallı rayonunun Boradigah qəsəbəsində dünyaya göz açıb. Dindar ailədə böyüyən Tale, uşaqlıqdan dini elmlərə, mərsiyyəyə maraq göstərib. Ailəsi ilə Rusiyada yaşadığına görə təqribən 8-9 yaşında ikən məhərrəm ayında məsciddə mərsiyyə oxuyarmış. Orta məktəbin yarısını Rusiyada, yarısını isə Masallı rayonu Boradigah qəsəbəsində yerləşən Nizami Gəncəvi adına 1 saylı orta məktəbdə oxuyub. Atasından dini təhsil alan Tale 16-yaşında ikən Bakıya köçür və orada İslam universitetinə daxil olur. Gənc yaşlarında artıq tanınmağa başlayır və fəaliyyətini islami toy məclislərində davam etdirir. Ailədə 3 qardaşdırlar. İki qardaşınada ustadlıq edən Tale onları da Əhlibeyt Meddahı yetişdirir. Seyyid Fariq ve Seyyid Peyman Talenin dogma qardaşlarıdır və hər ikisi Əhlibeyt Məddahıdırlar.<br /><br /><br />#SeyyidTalehBoradigahi #seyyidtaleh #yalandunya #shehriyar<br /><br />Kanaldakı Videolar "WediaCorp Azərbaycan" Şirkəti Tərəfindən Müəllif Hüququ ilə Qorunur. <br />Hörmətlə: "WediaCorp Azərbaycan" Sizlərin dəyərini qazanan və sizlərə dəyər verən №1 şirkət!
