Hidden Cameras in Engineering College Girls Hostel: గుడ్లవల్లేరు ఇంజినీరింగ్ కళాశాల వసతి గృహం వాష్రూమ్లలో రహస్య కెమెరాలున్నట్లు జరిగిన ప్రచారం తీవ్ర కలకలం రేపింది. కొన్ని రోజులుగా దృశ్యాలను చిత్రీకరించారంటూ విద్యార్థినులు మూకుమ్మడిగా నిరసనకు దిగారు. బీటెక్ చివరి సంవత్సరం విద్యార్థితో పాటు మరో విద్యార్థిని ఈ వ్యవహారంలో ఉన్నారని వారిపై చర్యలు తీసుకోవాలని విద్యార్థినులు డిమాండ్ చేశారు. ఘటనపై తీవ్రంగా స్పందించిన ముఖ్యమంత్రి చంద్రబాబు సమగ్ర దర్యాప్తు చేపట్టాలని ఆదేశించారు. హాస్టల్లో కెమెరాలు గుర్తించలేదని పోలీసులు తెలిపారు. దీంతో ఈ వ్యవహారం ఎట్టకేలకు సద్దుమణిగింది. విద్యార్థినులు హాస్టల్లో ఉండేందుకు ఒప్పుకున్నారు.
