<p>বৰপেটা: শনিবাৰে বৰপেটাৰ চেঙাত উপস্থিত হৈ বিজেপি চৰকাৰক তীব্ৰ সমালোচনা কৰে ধুবুৰীৰ সাংসদ ৰকিবুল হুছেইনে । বৰপেটা জিলাৰ চেঙা সমষ্টিৰ মুছলমান গাঁৱত শনিবাৰে সন্ধিয়া দলীয় কৰ্মকৰ্তাক সংগ দিয়াৰ উদ্দেশ্যত উপস্থিত হয় সাংসদগৰাকীয়ে । সাংসদগৰাকীয়ে কয়,"অসমৰ চৌদিশে এতিয়া কেৱল মাত্ৰ ছিণ্ডিকেট আৰু কয়লা, পান-তামোল, গৰু, কাঠ সকলো সামগ্ৰীৰে ছিণ্ডিকেট চলি আছে, সেয়া জল জল পট-পট হৈছে । এইখন চৰকাৰ ছিণ্ডিকেটত সম্পূৰ্নভাৱে জড়িত তাত কোনো সন্দেহ নাই আৰু সেই কথা উমৰাংছৰ কয়লাখনিত শ্ৰমিকৰ মৃত্যুৱে উদঙাই দিছে ।"</p><p>ইয়াৰোপৰি সাংসদ হুছেইনে কয়,"পঞ্চায়ত নিৰ্বাচন সঠিক সময়ত অনুষ্ঠিত কৰিব নোৱাৰাটো চৰকাৰৰ ব্যৰ্থতা । নীতি নিয়ম নামানি জধে মধে কেবিনেটত অস্বাভাৱিক সিদ্ধান্ত গ্ৰহণ কৰি আহিছে বিজেপি চৰকাৰে । ২০২৬ চনৰ আগতে অসমৰ বিজেপি চৰকাৰ পতন হ'ব সেয়া নিশ্চিত আৰু ইতিমধ্যে মুখ্যমন্ত্ৰীয়ে সেই কথাৰ উমান পাইছে যাৰ কাৰণে শংকিত হৈছে ।"</p><p>লগতে পঢ়ক: কয়লা ছিণ্ডিকেটৰ চৰ্দাৰ কোন ? সত্যৰ সন্ধানত প্ৰদেশ কংগ্ৰেছ - UMRANGSO COAL MINE TRAGEDY</a></p><p>ব্ৰহ্মপুত্ৰত চীনৰ বৃহৎ নদীবান্ধ নিৰ্মাণৰ সিদ্ধান্তৰ বিৰোধিতা কংগ্ৰেছৰ - CHINAS RIVER DAM IN BRAHMAPUTRA</a></p>
