Namami Shamishan Nirvan Roopam: Shiv Mantra in Hindi and Sanskrit: नमामीशमीशान <br /><br />[Full lyrics of the Shiva Rudrashtakam] <br /><br />नमामीशमीशान निर्वाणरूपं <br />विभुं व्यापकं ब्रह्मवेदस्वरूपम् <br />निजं निर्गुणं निर्विकल्पं निरीहं <br />चिदाकाशमाकाशवासं भजेहम् <br /><br />निराकारमोङ्करमूलं तुरीयं <br />गिराज्ञानगोतीतमीशं गिरीशम् । <br />करालं महाकालकालं कृपालं <br />गुणागारसंसारपारं नतोहम् <br /><br />तुषाराद्रिसंकाशगौरं गभिरं <br />मनोभूतकोटिप्रभाश्री शरीरम् । <br />स्फुरन्मौलिकल्लोलिनी चारुगङ्गा <br />लसद्भालबालेन्दु कण्ठे भुजङ्गा <br /><br />चलत्कुण्डलं भ्रूसुनेत्रं विशालं <br />प्रसन्नाननं नीलकण्ठं दयालम् । <br />मृगाधीशचर्माम्बरं मुण्डमालं <br />प्रियं शङ्करं सर्वनाथं भजामि <br /><br />प्रचण्डं प्रकृष्टं प्रगल्भं परेशं <br />अखण्डं अजं भानुकोटिप्रकाशं । <br />त्र्यःशूलनिर्मूलनं शूलपाणिं <br />भजेहं भवानीपतिं भावगम्यम् <br /><br />कलातीतकल्याण कल्पान्तकारी <br />सदा सज्जनानन्ददाता पुरारी । <br />चिदानन्दसंदोह मोहापहारी <br />प्रसीद प्रसीद प्रभो मन्मथारी <br /><br />न यावद् उमानाथपादारविन्दं <br />भजन्तीह लोके परे वा नराणाम् । <br />न तावत्सुखं शान्ति सन्तापनाशं <br />प्रसीद प्रभो सर्वभूताधिवासं <br /><br />न जानामि योगं जपं नैव पूजां <br />नतोहं सदा सर्वदा शम्भुतुभ्यम् । <br />जराजन्मदुःखौघ तातप्यमानं <br />प्रभो पाहि आपन्नमामीश शंभो <br />
