Pawan Kalyan on SC Classification : రాజీవ్ రంజన్ మిశ్రా నివేదికపై జనసేన సంపూర్ణ మద్దతు తెలియజేస్తోందని ఉప ముఖ్యమంత్రి పవన్ కల్యాణ్ అన్నారు. చంద్రబాబు ఆధ్వర్యంలో కూటమి ప్రభుత్వం తీసుకొస్తున్న ఎస్సీ వర్గీకరణను సమర్థిస్తున్నట్లు తెలిపారు. ఈ అంశంపై మేధావులతో చర్చలు జరిపామన్నారు. మాల మాదిగ ఐక్యత గురించి కూడా చాలా మంది మాట్లాడారని చెప్పారు. ఈ రెండు కులాలతో పాటు ఉపవర్గాలకు రిజర్వేషన్ కల్పించే అంశంపై విస్తృతంగా చర్చలు జరిగాయని పవన్ వెల్లడించారు.
