Rain Alert in Telangana : ఉపరితల చక్రవాత ఆవర్తనం ప్రభావంతో ఇవాళ రాష్ట్రంలో తేలికపాటి నుంచి మోస్తరు వర్షాలు కురుస్తాయని హైదరాబాద్ వాతావరణ కేంద్రం ప్రకటించింది. ఇవాళ దక్షిణ, పశ్చిమ తెలంగాణ జిల్లాల్లో ఉరుములు, మెరుపులతో కూడిన వర్షం కురిసే అవకాశం ఉందని వాతావరణ అధికారి ధర్మరాజు తెలిపారు. గంటకు 30 నుంచి 40 కిలోమీటర్ల వేగంతో ఈదురుగాలులు వీస్తాయని అన్నారు. హైదరాబాద్లో ఇవాళ తేలికపాటి నుంచి మోస్తరు వర్షం కురుస్తుందని వెల్లడించారు.
