Leopard Caught in Tirupati : వన్యప్రాణులు జనవాసాల్లోకి వస్తూ ప్రజలను భయాందోళనలకు గురి చేస్తున్నాయి. అడవులను నరికి, కొండలను కూల్చేస్తుండటంతో ఆవాసాలు లేక అడవి జంతువులు జనావాసాల్లోకి వస్తున్నాయి. ఈ నేపథ్యంలో పలు ప్రాంతాల్లో ప్రజలు, పశువులపై దాడులు చేస్తున్నాయి. ఇటీవలి కాలంతో రాష్ట్రంలో చిరుత, పెద్దపులి, ఎలుగుబంటి, ఏనుగుల సంచారం, దాడులు ఎక్కువగా జరుగుతున్నాయి. దీంతో ప్రజలకు కంటిమీద కునుకు లేకుండా చేస్తున్నాయి. మరోవైపు వారు బయటకు రావాలంటేనే గజగజ వణికిపోతున్నారు.