5 деца само годинава се обиделе да се самоубијат, Меѓаши бележи пораст на нарушено ментално здравје<br /> <br /><br />Пет деца годинава се обиделе да се самоубијат поради страв, вознемиреност и гнев. Три вакви обиди имало минатата година. Малолетниците помош побарале преку линијата „Ало Бушавко“ на првата детска амбасада Меѓаши, чиј извештај бележи пораст на нарушеното ментално здравје кај децата.<br /><br />Помош лани побарале над 200 деца, најчесто машки и на возраст помеѓу 7 и 9 години. На менталното здравје кај децата најмногу влијаат нарушените односи помеѓу родителите, булингот и тензиите со наставниците во училиште.<br /><br />Од Меѓаши апелираат да не се занемарува менталното здравје кај децата како еден од најголемите предизвици на современото време. Покрај системска поддршка, потребни се и стручни кадри во училиштата.
