Ye kahani hai ek chhoti si jagah, gaon Rohatspur ki. Jahan mitti se mohabbat ki khushboo aati thi, jahan rishte dil se judte the.<br /><br />Usi gaon mein rehti thi ek masoom si ladki, Pinki, jo Madan Lal ki beti thi. Madan Lal, Seth Gagan Thakur ke mahal mein mali ka kaam karte the. Unka jeevan kaafi saadgi bhara tha, lekin unki beti Pinki mein ek alag hi roshni thi — seedhe dil tak jaane wali muskaan aur aankhon mein sapne leke jeene wali.<br /><br />Bachpan se hi Pinki aur Seth ji ke bete, Rohan, ek saath khelte, hans-te aur lad-te the. Dono ke beech ek pyari si dosti thi. Par waqt ne apne pankh failaye aur Rohan ko padhai ke liye sheher bhej diya gaya.<br /><br />Kuch saalon baad jab Rohan apni padhaai poori karke wapas aaya, to usne Pinki ko dekha — par usme ab woh chhoti si ladki nahi thi, ek khubsurat, sharmaili aur samajhdar ladki ban chuki thi. Rohan ki nazar us pe ruki to bas ruki reh gayi. Dil dhadak utha, kuch mehsoos hua — kuch alag sa.<br /><br />Lekin Pinki ke liye yeh sab kuch ajeeb tha. "Main ek naukar ki beti, aur woh malik ka beta?" Uska man kaanp utha. Har baar jab Rohan paas aata, woh ghabra jaati, dara si rehti.<br />Magar Rohan ka pyaar sachcha tha. Usne haar nahi maani. Har roz koi na koi bahaana bana ke Pinki ke paas aata, usse baatein karta, uske sapno ke baare mein poochhta. Dheere dheere, Pinki ka bhi dil dhadakne laga, lekin samajh aur dar uska haath pakad ke rok leta.<br /><br />Phir aaya woh din, jab Pinki ne Rohan ke pyar ko qubool kiya. Dono ke beech ab sirf mohabbat thi, lekin aage rasta aasaan nahi tha.
