پولیس مقابلہ: دہشت کی علامت ڈاکو محمد ملوک عرف وچھون چانڈیہ ہلاک<br /><br />سندھ کے ضلع کشمور میں ایک اہم پولیس کارروائی کے دوران علاقے میں دہشت کی علامت سمجھے جانے والے بدنامِ زمانہ ڈاکو محمد ملوک عرف وچھون چانڈیہ پولیس مقابلے میں ہلاک ہوگیا۔ وچھون چانڈیہ کا شمار ان خطرناک جرائم پیشہ عناصر میں ہوتا تھا جو کئی سالوں سے کچے کے علاقے میں اغوا برائے تاوان، ڈکیتی، قتل، اور پولیس پارٹیوں پر حملوں جیسے سنگین جرائم میں ملوث تھا۔ اس کے خلاف درجنوں مقدمات درج تھے اور وہ طویل عرصے سے قانون نافذ کرنے والے اداروں کو مطلوب تھا۔<br /><br />پولیس کے مطابق، یہ مقابلہ کشمور کے کچے کے علاقے میں ہوا جہاں ڈاکو اور اس کے ساتھیوں نے پولیس ٹیم پر فائرنگ کی۔ جوابی کارروائی میں وچھون چانڈیہ مارا گیا، جب کہ اس کے دیگر ساتھی فرار ہونے میں کامیاب ہوگئے۔ وچھون کی ہلاکت کو مقامی عوام نے سکھ کا سانس لیا ہے، کیوں کہ وہ گزشتہ کئی برسوں سے علاقے کے عوام کے لیے خوف و ہراس کی علامت بنا ہوا تھا۔<br /><br />پولیس کی اس کامیابی کو ایک بڑی پیشرفت قرار دیا جا رہا ہے، اور مزید آپریشنز کا سلسلہ جاری رکھنے کا عزم کیا گیا ہے تاکہ کچے کے علاقوں کو مکمل طور پر جرائم سے پاک کیا جا سکے۔
