<p>پلوامہ: صدیوں پہلے مغل بادشاہ جہانگیر کے حکم پر تعمیر کی گئی جنوبی کشمیر کے پلوامہ ضلع میں شادی مرگ کی عظیم مغل سرائے، کبھی شاہی قافلوں کی آرام گاہ ہوا کرتی تھی۔ تاریخی اہمیت، ثقافتی ورثہ اور فن تعمیر کی شان رکھنے والی یہ سرائے، آج مکمل لاپرواہی، سرکاری بے حسی اور تجاوزات کی شکار ہو چکی ہے۔</p><p>ایک زمانے میں تقریباً 135 کنال پر پھیلی ہوئی اس شاندار سرائے کا دائرہ اب محض چند کنال تک محدود ہو چکا ہے۔ تجاوزات، گاؤ خانوں اور غیر قانونی تعمیرات نے اس تاریخی ورثے کو کچرے کے ڈھیر میں بدل دیا ہے۔ تاہم سیاسی لیڈران کا ماننا ہے کہ یہ ورثہ قومی سرمایہ ہے اور اس کی بحالی حکومت کی ذمہ داری ہے۔ </p><p>اگر سرکاری سطح پر فوری اور سنجیدہ اقدامات نہ کیے گئے تو شادی مرگ کی یہ مغل سرائے صرف تاریخ کی کتابوں میں رہ جائے گی، اور جنوبی کشمیر ایک قیمتی ثقافتی سرمایہ ہمیشہ کے لیے کھو بیٹھے گا۔</p>
