#ayyamefatmiyah #syedrazaabbaszaidi #nohay2023 #nohaylyrics <br />♠ BismiAllah ♠<br />Ayyam e Fatmiyah Noha 2024 | Ek Yateema Aesi Bhi Thi | Syed Raza Abbas Zaidi | Bibi Fatima Noha 2023<br />Recited By | Syed Raza Abbas Zaidi <br />Kalam | Ek Yateema Aesi Bhi Thi<br /><br />#ekyateemaaesibhithi #nohay2023 #syedrazaabbaszaidi #ayyamefatmiyah <br />-----------------------------------------------<br />Noha Lyrics<br />راہ میں ناقے سے جب گرگئی چھوٹی زہراؑ<br />گود میں ایک ضعیفہ نے اُسے تھام لیا<br />سر پہ جب ہاتھ رکھا روکے سکینہؑ نے کہا<br />جب سے بابا سے میں بچھڑی ہوں بہت ماراگیا<br />میرے گالوں پہ طمانچوں کے نشاں ہیں بی بی<br />تم نے دیکھی ہے مرے جیسی یتیمہ کوئی<br /><br />بات جب یہ سنی وہ بھی رونے لگی<br />پھر ضعیفہ سکینہؑ سے کہنے لگی<br /><br />تم سے پہلے اک یتیمہ ایسی بھی تھی<br /><br />ہاں تمہارے وطن میں ہی رہتی تھی وہ<br />بادشاہِ مدینہ کی بیٹی تھی وہ<br />باپ کے بعد اتنے مصائب پڑے<br />اپنے گھر میں سہارے سے چلتی تھی وہ<br />غم اُٹھاتی رہی خم کمر ہوگئی<br />نوجوانی میں ہی جو ضعیفہ ہوئی<br /><br />ظالموں نے یوں بابا کا پرسہ دیا<br />جلتا دروازہ اُس پر گرایا گیا<br />در کے نیچے تھی وہ در ہٹا نا سکی<br />ہاتھ بھی جل گئے پہلو زخمی ہوا<br />لوگ چل کر یہاں سے گئے جب وہاں<br />پاؤں رکھ رکھ کے توڑی گئی پسلیاں<br /><br />گال نیلے ہیں جیسے تمہارے ابھی<br />اُسکے گالوں کی رنگت بھی ایسی ہی تھی<br />سامنے اُسکو بیٹوں کے مارا گیا<br />وقت یہ نا کسی ماں پہ آئے کبھی<br />شاہ زادی سنو کتنی بے بس تھی وہ<br />گھر میں بچوں سے چہرا چھپاتی تھی جو<br /><br />جسطرح تیرے کانوں سے ہے خوں رواں<br />کان اُسکے بھی زخمی تھے اے میری جاں<br />اتنی شدت سے ظالم نے مارا اُسے <br />ٹوٹ کر خاک پہ گر گئیں بالیاں<br />بیٹی بن باپ کی درد سہہ نا سکی <br />ہاتھ کانوں پہ رکھ کر وہ روتی رہی<br /><br />پانی اُٹھ اُٹھ کے جسکو پلاتی تھی وہ<br />لوریا ں دے کے جسکو سلاتی تھی وہ<br />ہاتھ چادر میں اُس سے چھپانے لگی<br />ہاتھ پھیلاکے جسکو بلاتی تھی وہ <br />کیسےکہتی وہ ماں میرےدل میری جاں<br /> تازیانوں سے زخمی ہیں سب اُنگلیاں<br /><br />اُسکا مرنا بھی سب سے چھپایا گیا<br />چودہ لوگوں میں گھر سے جنازہ اُٹھا<br />اُسکی چالیس قبریں بنائی گئیں<br />بس یہ سنتے ہی بچی نے روکر کہا<br />اے ضعیفہ سنو میری دادی تھیں وہ<br />مجھکو جلدی بتاؤ کہ تم کون ہو<br /><br />ہاتھ پہلو سے اپنے اُٹھاتے ہوئے<br />زخمی چہرے سے پردہ ہٹاتے ہوئے<br />اے رضا اور ذیشان رونے لگیں<br />یہ سکینہؑ کو زہراؑ بتاتے ہوئے<br />میرا ورثہ ہو تم میرا چہرا ہو تم<br />اب سمجھ آیا کیوں چھوٹی زہرا ہو تم<br />-----------------------------------------------
