القصة كتبدأ فواحد الليلة مظلمة...<br />كلايد شيلتون، راجل هاني وعايش مع مراتو وبنتو فدارهم.<br />ولكن القدر دار ليه واحد المفاجأة القاتلة... دخلوا عليه جوج مجرمين للدار، سرقوه، ودارو فيه وفي عائلتو جريمة ما كيتقبلهاش العقل.<br />شاف بعينيه مراتو كتموت، وبنتو الصغيرة حتى هي... وما قدر يدير والو 😢<br /><br />مرت السنين، والشرطة قبضات على المجرمين.<br />كلايد قال: "ها العدالة غادي تخدم، غادي ياخدو حقهم!"<br />لكن الصدمة الكبيرة جات من المحكمة...<br />المدّعي العام نِك رايس (جيمي فوكس) دار صفقة مع واحد من القتلة باش يشهد ضد صاحبو، وبهذا خداه حكم خفيف!<br /><br />كلايد تصدم… شاف العدالة كتبيع وتبدّل فالأحكام بحال السلعة.<br />ومن داك النهار، قرر مايبقاش مواطن مطيع… قرر يكون مواطن كيصاوب العدالة بطريقتو الخاصة. 😈<br /><br />دوزات عشر سنين، واللي دالوه فحقّو بدا كيتخلص عليه واحد بواحد…<br />القاتل الأول كيتلقا ميت بطريقة بشعة، والثاني كيتفجر قدام الناس.<br />حتى المدّعي العام نِك، بدا كيشك فأن كلايد وراه شي حاجة خطيرة.<br /><br />لكن المفاجأة الكبرى: كلايد كيتشد ويتحبس…<br />ولكن الغرابة هي أن الجرائم ما حبساتش!<br />منين كيدخل الحبس، كتزيد الأمور كتخرج على السيطرة…<br />كيفاش واحد فالحبس كيدير جرائم برا؟ 🤯<br /><br />كلشي تصدم، وحتى نِك بدا كيشك أن كلايد ماشي مجرد راجل غاضب، بل عبقري فالتكنولوجيا والاغتيالات، خدام سابقا مع الحكومة!<br />استعمل ذكاؤه باش يضرب النظام القضائي كامل فالمصران.<br /><br />وبين الانتقام والعدالة، كتبدأ معركة خطيرة بين راجل فقد كلشي وراجل باغي يحمي النظام.<br />وفي الآخر... غادي يجي واحد المشهد اللي يخليك واقف بلا ما تحس، وتتسائل:<br />واش فعلاً العدالة كتخدم الجميع؟ ولا غير اللي عندو نفوذ؟
