మూడు వేల డ్రోన్లతో గిన్నిస్ రికార్డ్ బ్రేక్

<p>Telangana Creates Guinness Record with 3,000 Drones : తెలంగాణ రాష్ట్ర ప్రభుత్వం ప్రతిష్ఠాత్మకంగా నిర్వహించిన రైజింగ్ గ్లోబల్ సమిట్ ముగింపు డిసెంబర్ 9న జరిగి వేడుకలో భారీ డ్రోన్​ షో ఏర్పాటుచేసింది. తెలంగాణ రైజింగ్​ - 2047 లక్ష్యాలు వివరించే థీమ్స్​తో ఈ డ్రోన్​ షోను ఏర్పాటు చేశారు. గతంలో అబుదాబిలో 2,131డ్రోన్ల హ్యాపీ న్యూయర్​ అనే ప్రదర్శనకు గిన్నిస్​బుక్ రికార్డు వరించింది. తాజాగా ఆ రికార్డును బ్రేక్​ చేసేలా తెలంగాణ 3 వేల డ్రోన్లతో ప్రదర్శనను నిర్వహించింది. Telangana is Rising – Come, Join the Rise" అనే ఆంగ్ల వాక్యాన్ని ఆకాశంలో డ్రోన్లతో ప్రదర్శించారు. ఈ కార్యక్రమానికి హాజరైన గిన్నిస్ వరల్డ్ సభ్యులు దీనిని రికార్డుగా గుర్తించారు. సీఎం రేవంత్​రెడ్డికి ధ్రువపత్రాన్ని అందజేశారు. 2047నాటికి మూడు ట్రిలియన్ల ఆర్థిక వ్యవస్థగా ఎదగాలనుకున్న రాష్ట్రం గిన్నిస్ రికార్డ్​ కైవసంతో అటువైపు అడుగులేయడం మొదలుపెట్టింది. ముగింపు వేడుకల సందర్భంగా బాణసంచా వెలుగుల్లో గ్లోబల్ సమిట్​ ప్రాంగణమంతా వెలుగుల కాంతులతో నిండిపోయింది.</p>