<p>ஹைதராபாத்: நாட்டின் 77-வது குடியரசு தின விழா ராமோஜி ஃபிலிம் சிட்டியில் கோலாகலமாகக் கொண்டாடப்பட்டது.</p><p>நாடு முழுவதும் 77 ஆவது குடியரசு தினவிழா இன்று வெகுவிமர்சையாக கொண்டாடப்பட்டது. அந்த வகையில், தெலங்கானா மாநிலம் ஹைதராபாத்தில் அமைந்துள்ள உலக பிரசித்தி பெற்ற ராமோஜி ஃபிலிம் சிட்டியில் குடியரசு தின விழா கோலாகலமாகக் கொண்டாடப்பட்டது.</p><p>விழாவில் தலைமை விருந்தினராகக் கலந்து கொண்ட ராமோஜி ஃபிலிம் சிட்டியின் நிர்வாக இயக்குநர் விஜயேஸ்வரி தேசியக் கொடியை ஏற்றி வைத்தார். அதனைத் தொடர்ந்து, ராமோஜி பிலிம் சிட்டியின் பாதுகாப்புப் படையினர் அளித்த அணிவகுப்பு மரியாதையும் அவர் ஏற்றுக் கொண்டார்.</p><p>பிறகு, ஃபிலிம் சிட்டியின் அனைத்து ஊழியர்களுக்கும் குடியரசு தின வாழ்த்துகளை தெரிவித்த அவர், ஒற்றுமை மற்றும் அர்ப்பணிப்பின் முக்கியத்துவத்தையும் எடுத்துரைத்தார். இந்நிகழ்வின் போது, ராமோஜி ஃபிலிம் சிட்டி, ஈ-நாடு, ஈடிவி, ஈடிவி பாரத் மற்றும் டால்பின் ஹோட்டல்ஸ் உள்ளிட்ட நிறுவனங்களின் பல்வேறு துறைத் தலைவர்கள் மற்றும் ஊழியர்கள் ஆர்வத்துடன் பங்கேற்று, தங்களது தேச பக்தியை வெளிப்படுத்தினர்.</p>
