<p>ହାଇଦ୍ରାବାଦ: କୋରାପୁଟିଆ ଢେମସା ନୃତ୍ୟରେ ଦୁଲୁକିଲା ହାଇଦ୍ରାବାଦ, ରଙ୍ଗବତୀ ତାଳେ ତାଳେ ନାଚିଲେ ପ୍ରବାସୀ ଓଡ଼ିଆ । ସ୍ବାଭିମାନୀ ଓଡ଼ିଆ ଓମେନ୍ସ ୱାର୍ଲ୍ଡ (SOWW) ପକ୍ଷରୁ ହାଇଦ୍ରାବାଦର ଶିଳ୍ପାରମମ୍ ଠାରେ ଆୟୋଜିତ ହୋଇଥିବା ଓଡ଼ିଶା ଖାଦ୍ୟ ଏବଂ ହସ୍ତଶିଳ୍ପ ମେଳାର ଗତକାଲି (ଶନିବାର) ଦ୍ବିତୀୟରେ ଓଡ଼ିଶାର କଳା ସଂସ୍କୃତି, ଖାଦ୍ୟପେୟ ଓ ହସ୍ତଶିଳ୍ପକୁ ଦେଖିବା ପାଇଁ ଶହ ଶହ ଲୋକଙ୍କ ଭିଡ଼ ଜମିଥିଲା । ଏହି କାର୍ଯ୍ୟକ୍ରମକୁ ପୂର୍ବତନ ଆଇଏଏସ୍ ଅଧିକାରୀ ବିଭୂ ପ୍ରସାଦ ଆଚାର୍ଯ୍ୟ ମୁଖ୍ୟ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ । ଏହାପରେ ରାଜ୍ୟର ବିଭିନ୍ନ କୋଣଅନୁକୋଣରୁ ଆସିଥିବା କଳାକାରମାନେ ନିଜର ପାରମ୍ପରିକ ନୃତ୍ୟ ପରିବେଷଣ କରିବା ସହ କଣ୍ଠଶିଳ୍ପୀ ଅମ୍ରିତା ନାୟକଙ୍କ ଗୀତରେ ଝୁମି ଥିଲେ ଦର୍ଶକ । ସେପଟେ ଆଜି (ରବିବାର) ଏହି ମେଳାର ଉଦଯାପନୀ ଦିବସ। </p><p>ଏହି ଅବସରରେ ପୂର୍ବତନ ଆଇଏଏସ୍ ଅଧିକାରୀ ବିଭୂ ପ୍ରସାଦ ଆଚାର୍ଯ୍ୟ କହିଛନ୍ତି,"ସ୍ବାଭିମାନୀ ଓଡ଼ିଆ ଓମେନ୍ସ ୱାର୍ଲ୍ଡ ତରଫରୁ ହାଇଦ୍ରାବାଦରେ ଆରମ୍ଭ ହୋଇଛି ଓଡିଶା ଖାଦ୍ୟ ଏବଂ ହସ୍ତଶିଳ୍ପ ମେଳା ।ଏହା ବହୁତ ବର୍ଗର ବିଷୟ । ସେମାନେ ଓଡ଼ିଶାର କଳା ସଂସ୍କୃତି ଏବଂ ଖାଦ୍ୟପେୟକୁ ଆଣି ହାଇଦ୍ରାବାଦରେ ପ୍ରଦର୍ଶିତ କରୁଛନ୍ତି । ମୁଁ ଗତ 4 ବର୍ଷ ହେଲା ଏଠାକୁ ଆସୁଛି । ଚଳିତ ଥର 60ରୁ ଅଧିକ ଷ୍ଟଲ ଆସିଛି । ଚଳିତ ଥର ଓଡ଼ିଶା ସରକାର ମଧ୍ୟ ସାହାଯ୍ଯର ହାତ ବଢାଇଛନ୍ତି ।ଏହି ମେଳାକୁ ସମସ୍ତେ ଆସନ୍ତୁ ଏବଂ ଓଡ଼ିଶା ବାହାରେ ଆମର ପାରମ୍ପରିକ ଖାଦ୍ୟର ମଜା ନିଆନ୍ତୁ ।" </p><p>ଏହା ମଧ୍ୟ ପଢନ୍ତୁ...ହାଇଦ୍ରାବାଦରେ ଓଡ଼ିଶା ଖାଦ୍ୟ ଏବଂ ହସ୍ତଶିଳ୍ପ ମେଳା, ଓଡ଼ିଆ ସଂସ୍କୃତି ପ୍ରଚାର ପ୍ରସାର ଲକ୍ଷ୍ୟରେ SOWW ପରିବାର</a></p><p>ଏହା ମଧ୍ୟ ପଢନ୍ତୁ... ବିବାହ ହେଉ କି ରିସେପସନ, ଭଡାରେ ମିଳୁଛୁ ଓ୍ବେଡିଂ ଡ୍ରେସ୍; ନିବେଦିତାଙ୍କ ଏକ ଓର୍ ବାର୍ ଷ୍ଟୋର</a></p><p>ବ୍ୟୁରୋ ରିପୋର୍ଟ, ହାଇଦ୍ରାବାଦ</p>
