<p>मुंबईत गॅस सिलेंडर टंचाईमुळे काही दिवस अडचणीत आलेले Brihanmumbai Municipal Corporation (BMC) कँटीन आता पुन्हा सुरळीत सुरू झाले आहे. गॅसचा पुरवठा कमी झाल्यामुळे कँटीन व्यवस्थापनाला तात्पुरत्या स्वरूपात इलेक्ट्रिक स्टोव्हचा वापर करावा लागला.</p><p>कँटीनमध्ये दररोज सुमारे हजार लोक जेवण घेत असल्याने गॅस टंचाईचा मोठा परिणाम झाला होता. एका दिवशी 60 टक्के गॅस आणि 40 टक्के इलेक्ट्रिक स्टोव्ह वापरून स्वयंपाक करण्यात आला, तर त्याआधीच्या दिवशी 50 टक्के गॅस आणि 50 टक्के इलेक्ट्रिक स्टोव्ह वापरावे लागले.</p><p>या समस्येबाबत कँटीन प्रशासनाने BMC च्या लेबर विभागाला आणि Bharat Petroleum ला पत्र दिल्यानंतर मदत मिळाली. त्यानंतर BMC कडून गॅस पुरवठ्याबाबत सहकार्य करण्यात आले.</p><p>दरम्यान, आसपासची काही कँटीन बंद असल्याने या कँटीनवर अतिरिक्त ताण आला होता. तरीही उपलब्ध गॅस साठ्यावर व्यवस्थापन करत कँटीन सेवा सुरू ठेवण्यात आली. BMC आणि लेबर विभागाच्या मदतीमुळे सध्या कँटीनमध्ये स्वयंपाक सुरळीत सुरू आहे.</p><p>#LPG #LPGPriceHike #GasShortage #BMC #AsianetNewsMarathi</p>
