<p>ಮೈಸೂರು: ಯುಗಾದಿ ಸಂಭ್ರಮ ಮುಗಿಸಿ ಸಫಾರಿಗೆ ತೆರಳಿದ ಪ್ರವಾಸಿಗರಿಗೆ ಒಂದೇ ಕಡೆ ಮೂರು ಹುಲಿಗಳ ದರ್ಶನವಾಗಿದೆ.</p><p>ನಾಗರಹೊಳೆ ರಾಷ್ಟ್ರೀಯ ಉದ್ಯಾನವನದ ಹೆಚ್.ಡಿ.ಕೋಟೆ ತಾಲೂಕಿನ ದಮ್ಮನಕಟ್ಟೆ ಮೂಲಕ ಸಫಾರಿಗೆ ತೆರಳಿದ ಪ್ರವಾಸಿಗರು, ಹಚ್ಚ ಹಸಿರಿನ ನಡುವೆ ಹುಲಿಗಳ ಸಂಚಾರ ಕಂಡು ಸಂತಸಪಟ್ಟರು.</p><p>ಯುಗಾದಿ ಮುನ್ನ ಪೂರ್ವ ಮುಂಗಾರಿನಲ್ಲೇ ಮಳೆ ಅಬ್ಬರ ತೋರುತ್ತಿರುವುದರಿಂದ ನಾಗರಹೊಳೆ ರಾಷ್ಟ್ರೀಯ ಉದ್ಯಾನವನ ಹಚ್ಚ ಹಸಿರಿನಿಂದ ಕಂಗೊಳಿಸುತ್ತಿದೆ.</p><p>ಬಂಡೀಪುರದಲ್ಲಿ ಒಂದೇ ಬಾರಿ 6 ಹುಲಿಗಳ ದರ್ಶನ: ದೇಶದ ಜನಪ್ರಿಯ ಹುಲಿ ರಕ್ಷಿತಾರಣ್ಯಗಳಲ್ಲಿ ಒಂದಾದ ಗುಂಡ್ಲುಪೇಟೆ ತಾಲೂಕಿನ ಬಂಡೀಪುರದಲ್ಲಿ ಇತ್ತೀಚಿಗೆ ಆರು ಹುಲಿಗಳ ದರ್ಶನವಾಗಿತ್ತು. ಮೈ ಸುಡುವ ಬಿಸಿಲಿಂದ ಪಾರಾಗಲು ಈ ಹುಲಿಗಳು ಬಂಡೀಪುರದ ಸಫಾರಿ ಝೋನಿನ ಕಿರುಬನ ಕೊಳಚಿ ಕೆರೆಗಿಳಿದಿದ್ದವು. ಒಟ್ಟಿಗಿದ್ದ ಆರು ಹುಲಿಗಳನ್ನು ಕಂಡು ಸಫಾರಿಗರು ಸಂತಸಪಟ್ಟಿದ್ದರು.</p><p>ಈ ಪೈಕಿ ಮೂರು ಹುಲಿಗಳು 'ಮೂರ್ಕೆರೆ ಫೀಮೇಲ್' ಎಂದು ಕರೆಸಿಕೊಳ್ಳುತ್ತಿದ್ದ ಹಲಿ ಮರಿಗಳಾಗಿದ್ದು, ತಾಯಿ ನಾಪತ್ತೆಯಾಗಿತ್ತು. ಅದಾದ ಬಳಿಕ ಮೂರು ಮರಿಗಳು ಬೇಟೆ ಸಾಮರ್ಥ್ಯ ಬೆಳೆಸಿಕೊಂಡು ಒಟ್ಟಾಗಿ ಕಾಣಿಸಿಕೊಂಡಿದ್ದವು. </p><p>ಇದನ್ನೂ ಓದಿ: VIDEO: ಒಂದರ ಹಿಂದೆ ಒಂದು, ಮತ್ತೊಂದು.. ಬಂಡೀಪುರದಲ್ಲಿ ಒಂದೇ ಬಾರಿ 6 ಹುಲಿಗಳ ದರ್ಶನ - 6 TIGERS SIGHTED AT ONCE</a></p>
