అగరబత్తీల వ్యాపారం చేస్తూ తల్లీ కుటుంబ పోషణ - కానిస్టేబుల్‌ జాబ్‌ సాధించిన మెహబూబ్‌ బాషా

<p>Teacher to Constable Mehboob Basha Inspiring Journey on Yuva : తండ్రి మరణంతో కుటుంబ పోషణ భారం మెుత్తం తల్లిపై పడింది. తల్లి పడుతున్న బాధలను దగ్గరుండి చూసి ఆమెకు చేదోడు వాదోడుగా ఉండాలని నిర్ణయించుకున్నాడు ఆ యువకుడు. చదువు, ఉద్యోగం ద్వారానే ఆర్థిక కష్టాలు తీరి మంచి గుర్తింపు వస్తుందని భావించాడు. చిన్నచిన్న పనులు చేస్తూనే బీటెక్‌ పూర్తి చేశాడు. స్నేహితుల సలహాలతో ఎంటెక్‌ పూర్తి చేసి, ఓ కళాశాలలో అధ్యాపకుడిగా చేరాడు. ఒకవైపు విధులు నిర్వహిస్తూనే మరోవైపు పోటీ పరీక్షలకు సన్నద్ధమయ్యాడు. ఇటీవల ప్రభుత్వం విడుదల చేసిన పోలీస్‌ కానిస్టేబుల్‌ ఫలితాల్లో కొలువు సాధించాడు. </p><p>"2019 నుంచి కానిస్టేబుల్, ఎస్సై ఉద్యోగాల కోసం సిద్ధమవుతున్నాను. ఇంటర్ చదువుతున్నప్పుడు నాన్న చనిపోయారు. దాంతో  కుటుంబ బాధ్యతలను చూసేందుకు అమ్మ అగరబత్తీల వ్యాపారం చేస్తుండేది. ఓ వైపు టీచర్​గా పనిచేస్తూనే పోటీ పరీక్షలకు సన్నద్దమయ్యాను. ఉన్నత స్థాయి ఉద్యోగం సాధించడమే నా లక్ష్యం." - మెహబూబ్‌ బాషా</p>