<p>গুৱাহাটী: ভোটাধিকাৰ সাব্যস্ত কৰি আৱেগিক হৈ পৰিল জয়ন্ত কুমাৰ দাস ৷ গুৱাহাটী মহানগৰীৰ বেলতলাস্থিত ১৮৫নং মাঝিপাৰ এল পি স্কুলত ভোটাধিকাৰ সাব্যস্ত কৰে দিছপুৰ সমষ্টিৰ নিৰ্দলীয় প্ৰাৰ্থীগৰাকীয়ে ।</p><p>ভোটদানৰ পিছতে নিৰ্দলীয় প্ৰাৰ্থী জয়ন্ত কুমাৰ দাসক অত্যন্ত আৱেগিক হৈ পৰা দেখা যায় ৷ তেওঁ অনুভৱ ব্যক্ত কৰি কয়, ‘‘২৫ বছৰৰ পৰা ৰৈ আছিলো দলে মোক প্ৰাৰ্থিত্ব দিব বুলি । কিন্তু নিদিলে । ২০০১ ত প্ৰথমবাৰৰ বাবে আৱেদন কৰিছিলো । মোৰ ডাঙৰ সপোন আজি মোৰ মায়ে মোক ভোট দিছে । পৰিয়ালে মোক ভোট দিছে । মই নিজেও নিজক ভোট দিছো । ভাল লাগিছে । বহু সংগ্ৰাম, কষ্টৰ পিছত মই নিজে নিজক ভোট দিছো । ইমান কষ্ট পাব নালাগিছিল । ষড়যন্ত্ৰৰ বলি হৈ থাকিলো । এইবাৰ মুকলিভাৱে ওলাই আহিছো । ৰাইজৰ আশীৰ্বাদ মোৰ লগত আছে । মই জয়ী হ’লে ৰাইজক নিৰাশ নকৰো, ৰাইজৰ বাবে কাম কৰিম ৷’’</p><p>উল্লেখ্য যে, বৃহস্পতিবাৰে পুৱা ৭ বজাৰ পৰা ৰাজ্যজুৰি ভোটদান অব্যাহত আছে ৷ সন্ধিয়া ৫ বজাত ভোটগ্ৰহণৰ সামৰণি পৰিব ৷ দিনৰ এক বজালৈ সমগ্ৰ অসমত ভোটদানৰ হাৰ ৫৯.৬৩% ৷</p><p>লগতে পঢ়ক: পৰিৱৰ্তনৰ স্বাৰ্থত ৰাইজ ওলাই আহিছে : ভোটদানৰ পাছতে গৌৰৱ গগৈৰ এই মন্তব্য</a></p>
