<p>বিহালী: বৃহস্পতিবাৰে ৰাজ্যত সুকলমে সম্পন্ন হৈছে ভোটগ্ৰহণ ৷ সমান্তৰালভাৱে বিহালী বিধানসভা সমষ্টিতো পুৱাৰে পৰা ভোটধিকাৰ সাব্যস্ত কৰিবলৈ ওলাই আহিল ৰাইজ । এইবাৰ বিহালীত তিনিকোণীয়া যুঁজ হোৱাৰ পূৰ্ণ সম্ভাৱনা আছে ৷ কাৰণ বিজেপি দলে প্ৰাৰ্থিত্ব প্ৰদান কৰিছে মুনিন্দ্ৰ দাসক আৰু বিৰোধী ঐক্যমঞ্চই প্ৰাৰ্থিত্ব প্ৰদান কৰিছে চিপিআই(এমএল)ৰ জ্ঞানেন্দ্ৰ সৰকাৰক সমান্তৰালকৈ নিৰ্লীয়ভাৱে প্ৰতিদ্বন্দিতা আগবঢ়াইছে অজয় সিনহাই ।</p><p>ভোটাধিকাৰ সাব্যস্ত কৰি বিৰোধী ঐক্যমঞ্চৰ প্ৰাৰ্থী জ্ঞানেন্দ্ৰ সৰকাৰে কয়,"এইবাৰ বিহালীত আমাৰ জয় নিশ্চিত ৷ বিগত ৩০বছৰৰ অধিক সময় প্ৰশাসনিক বিষয়া হিচাপে কাম কৰি কোনো চেকা নলগাকৈ অৱসৰ গ্ৰহণ কৰিছে। যাৰ বাবে মোক বিধায়ক হিচাপে ৰাইজে বিধানসভালৈ নিৰ্বাচিত কৰি পঠিয়াব ।"</p><p>জুবিন গাৰ্গৰ ন্যায় প্ৰসংগ উত্থাপন কৰি তেওঁ কয়, "জুবিন গাৰ্গ ন্যায় প্ৰসংগটোৱে এইবাৰ যথেষ্ট প্ৰভাৱ পেলাব ৷"</p><p>লগতে পঢ়ক:বহিঃৰাজ্যৰ একাংশ লোকক কেন্দ্ৰ কৰি খোৱাঙত নিৰ্বাচনী হিংসা : ভাঙি-ছিঙি চূৰ্ণ-বিচূৰ্ণ বলেৰ’</a></p>
