<p>ಚಿಕ್ಕಮಗಳೂರು: "ಅರೆ, ಫ್ಯಾಷನ್ ಶೋ ಅಂದ್ರೆ ಅಂದಚಂದದ ಚಂದುಳ್ಳಿ ಚಲುವೆಯರು ಮಾತ್ರ ಇರ್ತಾರೆ ಅಲ್ವಾ? ನೀವು ವಯಸ್ಸಾಗಿರೋರು ನಡೆಯೋದೇ ಕಷ್ಟ, ಅಂಥದ್ರಲ್ಲಿ ಫ್ಯಾಷನ್ ಶೋ ಮಾಡ್ತೀವಿ ಅಂತಿದ್ದೀರಲ್ಲ!". ಹೌದು, ವಯಸ್ಸಾದವರು ಫ್ಯಾಷನ್ ಮಾಡ್ತೀವಿ ಅಂದ್ರೆ ಯುವಕ-ಯುವತಿಯರು ಸಾಮಾನ್ಯವಾಗಿ ಈ ರೀತಿ ತಮಾಷೆ ಮಾಡುವುದುಂಟು. ಆದರೆ, ಚಿಕ್ಕಮಗಳೂರಿನಲ್ಲಿ ನಡೆದ ಮಲೆನಾಡ ಸುಗ್ಗಿಯಲ್ಲಿ ಹಿರಿಯರ ಫ್ಯಾಷನ್ ಶೋ ವಿಶೇಷವಾಗಿ ಗಮನ ನಡೆಯಿತು. </p><p>ಮೂಡಿಗೆರೆ ತಾಲೂಕಿನಲ್ಲಿ ಮಲೆನಾಡ ಮಹಿಳೆಯರು ಒಟ್ಟು ಸೇರಿ ಮಲೆನಾಡ ಸುಗ್ಗಿ ಉತ್ಸವ ಎಂಬ ವಿಶಿಷ್ಟ ಕಾರ್ಯಕ್ರಮ ಆಯೋಜಿಸಿದ್ದರು. ಈ ಕಾರ್ಯಕ್ರಮದಲ್ಲಿ ಹಿರಿಯರಿಗಾಗಿ ಫ್ಯಾಷನ್ ಶೋ ನಡೆಸಲಾಯಿತು.</p><p>ಹಿರಿ ಜೀವಗಳು ಕ್ಯಾಟ್ವಾಕ್ ಮಾಡುವ ಮೂಲಕ ನೆರೆದಿದ್ದವರ ಹುಬ್ಬೇರಿಸುವಂತೆ ಮಾಡಿದರು. ಸುಮಾರು 35ಕ್ಕೂ ಅಧಿಕ ವಯೋವೃದ್ಧರು ಶೋದಲ್ಲಿ ಭಾಗವಹಿಸಿದ್ದು, ಎಲ್ಲರೂ ಕೂಡ ತಮ್ಮ ಯೌವ್ವನದ ಜೀವನವನ್ನು ನೆನಪಿಸಿಕೊಂಡು ಖುಷಿಪಟ್ಟರು. </p><p>ಕೆಲವು ಜೋಡಿಗಳು ಪಂಚೆ, ಸೀರೆ ತೊಟ್ಟು ಸಾಂಪ್ರದಾಯಿಕ ಉಡುಗೆಯಲ್ಲಿ ಬಂದರು. ಇನ್ನು ಕೆಲವರು ತಮಗೇನು ಕಮ್ಮಿ ಎಂಬಂತೆ ಆಧುನಿಕ ಅಲಂಕಾರದಲ್ಲಿ ಬಂದು ಸಂಭ್ರಮಿಸಿದರು.</p><p>ಇದನ್ನೂ ಓದಿ: ತಾಯಿ ಆಸೆಯಂತೆ ಕಟ್ಟಿಸಿದ ದೇವಸ್ಥಾನದಲ್ಲಿ ವಿಶ್ರಾಂತಿ ಪಡೆದ ಡ್ಯಾನ್ಸಿಂಗ್ ಸ್ಟಾರ್ ಪ್ರಭುದೇವ</a></p>
