<p>തിരുവനന്തപുരം: പാലക്കാട് മണ്ഡലത്തിൽ വോട്ടര്മാർക്ക് പണം നൽകിയതുമായി ബന്ധപ്പെട്ട് പുതിയ ആരോപണവുമായി ശോഭാ സുരേന്ദ്രൻ. പണം വിതരണം ചെയ്തതിന് പിന്നിൽ ബിജെപി ആലപ്പുഴ നോർത്ത് ജില്ല വൈസ് പ്രസിഡന്റ് ബിന്ദു വിനയകുമാറാണെന്ന് പറയുന്ന ഓഡിയോ പുറത്തുവന്നു. ബിന്ദുവും ശോഭയും തമ്മിൽ ഫോണിൽ സംസാരിക്കുന്ന ഓഡിയോയാണ് പുറത്ത് വന്നിട്ടുള്ളത്.</p><p>അതേസമയം ബിജെപി സംസ്ഥാന ജനറൽ സെക്രട്ടറി ശോഭാ സുരേന്ദ്രൻ ഉന്നയിച്ച ആരോപണത്തിന്റെ നിജസ്ഥിതി അന്വേഷിക്കാൻ ആലപ്പുഴ ജില്ലാ പൊലീസ് മേധാവിക്ക് താൻ പരാതി നൽകിയിട്ടുണ്ടെന്ന് ബിന്ദു വിനയകുമാർ ഇടിവി ഭാരതിനോട് പറഞ്ഞു.</p>
