<p>കാസർകോട്: അടയ്ക്ക വിപണിയിൽ വലിയ ഉണർവ് പ്രകടമായതോടെ കർഷകർക്ക് ആശ്വാസമായി. മുൻവർഷങ്ങളെ അപേക്ഷിച്ച് മികച്ച വിലയാണ് ഇപ്പോൾ വിപണിയിൽ ലഭിക്കുന്നത്. യുദ്ധസമയത്ത് വിപണിയിൽ 60 രൂപ കുറഞ്ഞെങ്കിലും നിലവിൽ വില 500 കടന്നു.</p><p>ഇത്തവണ ചരിത്രത്തിൽ ആദ്യമായി വില 600 കടക്കുമെന്ന പ്രതീക്ഷയിലാണ് കർഷകർ. കേരളത്തെ അപേക്ഷിച്ച് 10 രൂപ കൂടുതലാണ് കർണാടകയിൽ ലഭിക്കുന്നത്. അതിനാൽ കർഷകർ കൂടുതലായും കർണാടകയിലാണ് വിൽപന നടത്തുന്നത്. കാസർകോട് ആദൂർ സ്വദേശിയായ കർഷകൻ ശിവപ്രസാദ് 40 ക്വിൻ്റൽ അടയ്ക്കയാണ് ഇതിനോടകം വിറ്റഴിച്ചത്. മികച്ച വിളവിനൊപ്പം ഉയർന്ന വിലയും ലഭിച്ചത് കർഷകർക്ക് ഗുണകരമായി മാറിയെന്ന് അദ്ദേഹം ഇടിവി ഭാരതിനോട് പറഞ്ഞു.</p>
