<p>જુનાગઢ: સમગ્ર રાજ્યમાં જિલ્લા પંચાયતની ચૂંટણીઓ માટે પ્રચાર પ્રસાર ચાલી રહ્યો છે. તેની વચ્ચે જૂનાગઢ જિલ્લા પંચાયતની 5 નંબરની સીટ ધરાવતી ભેસાણ સીટ પર ઈટીવી ભારતે પાછલા પાંચ વર્ષમાં પંચાયતના ચૂંટાયેલા સભ્ય દ્વારા કરવામાં આવેલી કામગીરીને લઈને સ્થાનિક મતદારો પાસેથી તેમના પ્રતિભાવો મેળવવાનો પ્રયાસ કર્યો હતો.</p><p>જેમાં આજે પણ ખેતી માટે જરૂરી વીજળી, ખાતર, સિંચાઈનું પાણી, નવા-જૂની માટે લોનના હપ્તા, સ્થાનિક ગામડાઓમાં માર્ગ, પીવાનું પાણી, આવી સમસ્યા આજે પણ યથાવત જોવા મળી રહી છે, મોટા ભાગના મતદારોએ પાછલા પાંચ વર્ષ દરમિયાન તેમના ચૂંટાયેલા પ્રતિનિધિને જોયા નથી અને તેના નામથી પણ અજાણ છે, આવો પ્રતિભાવ આપ્યો હતો.</p>
