ਬੀਸੀ ਦੀ ਵਿਧਾਨ ਸਭਾ ਵਿੱਚ ਨਸਲਕੁਸ਼ੀ ਦਾ ਮਤਾ ਪੇਸ਼ ਨਾ ਹੋਣ ਦਿੱਤਾ<br />ਅੱਜ ਸਰੀ ਨਾਰਥ ਤੋਂ ਬੀਸੀ ਕੰਜ਼ਰਵਟਿਵ ਪਾਰਟੀ ਦੇ ਵਿਧਾਇਕ Mandeep Dhaliwal ਨੇ ਬ੍ਰਿਟਿਸ਼ ਕੋਲੰਬੀਆ ਵਿਧਾਨ ਸਭਾ ਵਿੱਚ ਇੱਕ ਪ੍ਰਸਤਾਵ ਪੇਸ਼ ਕੀਤਾ, ਜਿਸ ਵਿੱਚ ਬ੍ਰਿਟਿਸ਼ ਕੋਲੰਬੀਆ ਵੱਲੋਂ 1984 ਦੇ ਸਿੱਖ ਕਤਲੇਆਮ ਨੂੰ ਸਰਕਾਰੀ ਤੌਰ ‘ਤੇ 'ਨਸਲਕੁਸ਼ੀ' ਵਜੋਂ ਮਾਨਤਾ ਦੇਣ ਦੀ ਮੰਗ ਕੀਤੀ ਗਈ ਸੀ ਪਰ ਸਰਬਸੰਮਤੀ ਨਾਲ ਪਾਸ ਹੋਣ ਵਾਲਾ ਇਹ ਪ੍ਰਸਤਾਵ ਪੇਸ਼ ਕਰਨ ਦੀ ਆਗਿਆ ਨੂੰ ਹੀ ਕਈ ਵਿਧਾਇਕਾਂ ਨੇ 'ਨਾਂਹ' ਕਹਿ ਕੇ ਜਵਾਬ ਦੇ ਦਿੱਤਾ।<br />ਸਿੱਟੇ ਵਜੋਂ ਇਸ ਪ੍ਰਸਤਾਵ ਹੀ ਪੇਸ਼ ਨਾ ਹੋ ਸਕਿਆ।<br />ਇਸ ਦੌਰਾਨ ਬੀਸੀ ਦੀ ਐਨਡੀਪੀ ਸਰਕਾਰ ਵਿੱਚ ਸਿੱਖਿਆ ਮੰਤਰੀ ਲੀਸਾ ਬੇਅਰ ਨੇ "Gross" ਸ਼ਬਦ ਦੀ ਵਰਤੋਂ ਕੀਤੀ, ਜਿਸਦਾ ਮਤਲਬ "ਭੈੜਾ" ਕਿਹਾ ਜਾ ਸਕਦਾ ਹੈ। ਇਸ 'ਤੇ ਵਿਧਾਇਕ ਮਨਦੀਪ ਧਾਲੀਵਾਲ ਨੇ ਸਖਤ ਇਤਰਾਜ਼ ਕੀਤਾ ਕਿ ਇਸ ਪ੍ਰਸਤਾਵ ਨੂੰ “ਭੈੜਾ” ਕਹਿ ਕੇ ਮੰਤਰੀ ਲੀਸਾ ਬੇਅਰ ਨੇ ਸਿੱਖਾਂ ਦੀ ਬੇਇੱਜ਼ਤੀ ਕੀਤੀ ਹੈ। ਜਿਸ ਦਾ ਜਵਾਬ ਦਿੰਦਿਆਂ ਮੰਤਰੀ ਲੀਸਾ ਬੇਅਰ ਨੇ ਕਿਹਾ ਕਿ ਉਹ ਤਾਂ ਬੀਸੀ ਕੰਜ਼ਰਵਟਿਵ ਦੇ ਲੀਡਰ ਨੂੰ ਕਹਿ ਰਹੀ ਸੀ।<br />ਸਵਾਲ ਇਹ ਬਣਦਾ ਕਿ ਬੀਸੀ ਕੰਜ਼ਰਵਟਿਵ ਦੇ ਲੀਡਰ ਟਰੈਵਰ ਹਾਲਫੋਰਡ ਨੇ ਤਾਂ ਪ੍ਰਸਤਾਵ ਹੀ ਪੇਸ਼ ਨਹੀਂ ਸੀ ਕੀਤਾ, ਉਹ ਵਿੱਚ ਕਿੱਥੋਂ ਆ ਗਿਆ, ਉਸਨੂੰ Gross/ਭੈੜਾ ਕਹਿਣ ਦਾ ਕੀ ਮਤਲਬ?<br />ਬਾਕੀ ਤੁਸੀਂ ਖੁਦ ਸੁਣ ਲਵੋ, ਦੋਵੇਂ ਵੀਡੀਓਜ਼ ਪਾ ਰਿਹਾ ਹਾਂ। ਆਖ਼ਰ ਫੈਸਲਾ ਤਾਂ ਜਨਤਾ ਨੇ ਕਰਨਾ ਹੈ। <br />ਪਰ ਅੱਜ ਦੀ ਇਹ ਨਾਂਹ ਕਈਆਂ ਦੀ ਸਿਆਸੀ ਕਬਰ ਪੁੱਟ ਹੋਣ ਦਾ ਸਬੱਬ ਜ਼ਰੂਰ ਬਣੇਗੀ। ਆਖ਼ਰ ਇਹ ਪਤਾ ਤਾਂ ਲੱਗ ਹੀ ਜਾਣਾ ਕਿ ਨਾਂਹ ਕਰਨ ਵਾਲੇ ਤੇ ਕਰਾਉਣ ਵਾਲੇ ਕੌਣ ਸਨ। <br /> -ਗੁਰਪ੍ਰੀਤ ਸਿੰਘ ਸਹੋਤਾ | ਸਰੀ |
