టీడీపీ వర్కింగ్ ప్రెసిడెంట్‌గా నారా లోకేశ్ - ప్రతి కమిటీలోనూ కొత్తవారికి అవకాశం

<p>Nara Lokesh Appointed as TDP National Working President: టీడీపీ వర్కింగ్ ప్రెసిడెంట్‌గా నారా లోకేశ్​ నియమితులయ్యారు. జాతీయ, రాష్ట్ర కమిటీలతో పాటు పొలిట్‌బ్యూరోను పార్టీ అధినేత చంద్రబాబు ప్రకటించారు. రాష్ట్ర అధ్యక్షుడిగా పల్లా శ్రీనివాసరావును కొనసాగించారు. సీనియర్లను గౌరవిస్తూనే కొత్తవారికి అవకాశాలు కల్పించారు. అన్ని సామాజికవర్గాలకూ ప్రాధాన్యం కల్పించారు.</p><p>జాతీయ ప్రధాన కార్యదర్శులుగా ముగ్గురు: టీడీపీ జాతీయ ప్రధాన కార్యదర్శిగా ఉన్న నారా లోకేశ్​కు ప్రమోషన్‌ వచ్చింది. నేషనల్‌ వర్కింగ్‌ ప్రెసిడెంట్‌గా పార్టీ అధిష్టానం కొత్త బాధ్యతలు అప్పగించింది. టీడీపీ చరిత్రలో ఇప్పటివరకు వర్కింగ్‌ ప్రెసిడెంట్‌ హోదా లేదు. తొలిసారిగా కీలక పదవిని సృష్టించింది. పొలిట్ బ్యూరోలో టీడీపీ కొన్ని మార్పులు చేసింది. ప్రతి కమిటీలోనూ కొత్తవారికి అవకాశం కల్పించింది. 29 మందితో పొలిట్ బ్యూరో, 31 మందితో జాతీయ కమిటీ, 185 మందితో రాష్ట్ర కమిటీ ఏర్పాటు చేసింది.</p>