<p>বঙাইগাঁও: বঙাইগাঁও জিলাৰ অভয়াপুৰীত ৰাজহুৱা শৌচালয় নিৰ্মাণৰ নামত চলিছে ভেকোঁভাওনা ৷ অভয়াপুৰী পৌৰসভাৰ ৰাজহুৱা শৌচালয় নিৰ্মাণৰ নামত ধন অপচয় দেখি সচেতন ৰাইজৰ চকু কঁপালত উঠিছে। </p><p>অভয়াপুৰী পৌৰসভাৰ অধীনত কেইবাটাও স্থানত নিৰ্মাণ কৰিছিল ৰাজহুৱা শৌচালয় ৷ অভয়াপুৰী পৌৰসভাই লাখ লাখ টকা খৰচ কৰি এই শৌচালয়বোৰ নিৰ্মাণ কৰিলে যদিও ৰাইজৰ বাবে আজিও মুকলি নহ'ল। ৫-৬ বছৰ পূৰ্বে নিৰ্মাণ কৰা শৌচালয়সমূহত নাই কোনো বেনাৰ বা ফলক। </p><p>কিমান টকাৰে এই 'বায় টয়লেট' নিৰ্মাণ হৈছিল তাৰ হিচাপ নাই। এইদৰে বছৰ বছৰ ধৰি তলা ওলোমাই ৰখাৰ ফলত চৌদিশে জংঘলে এতিয়া আগুৰি ধৰিছে ৷ এই সন্দৰ্ভত এগৰাকী স্থানীয় ব্য়ক্তিয়ে কয়, "দীৰ্ঘদিন ধৰি এইদৰে জৰাজীৰ্ণ অৱস্থাত পৰি আছে কেইবাটও ৰাজহুৱা শৌচাগাৰ । নিৰ্মাণ কৰাৰ দিনৰে পৰাই এইদৰে পৰিত্য়ক্ত অৱস্থাত আছে । এইদৰে থাকিলে ৰাইজে এইবোৰ কেনেকৈ ব্য়ৱহাৰ কৰিব পাৰিব ?"</p><p>লগতে পঢ়ক:বৰষুণ দিলেই পাঠদান বন্ধ হোৱা এখন চৰকাৰী বিদ্যালয়</a></p><p>চৰকাৰী ধনৰ অপচয়: পৰ্যটক নিবাসত এতিয়া চলে অসামাজিক কাৰ্যকলাপ</a></p>
