ಸ್ಕೂಟರ್​ಗೆ ಕಾರು ಡಿಕ್ಕಿ: ಅಪ್ಪ, ಅಮ್ಮ, ಮಗಳಿಗೆ ಗಂಭೀರ ಗಾಯ, ಅಪಘಾತದ ಭಯಾನಕ ದೃಶ್ಯ ಸಿಸಿಟಿವಿ ಕ್ಯಾಮರಾದಲ್ಲಿ ಸೆರೆ

<p>ದೊಡ್ಡಬಳ್ಳಾಪುರ : ಯಲಹಂಕ - ಹಿಂದೂಪುರ ರಾಜ್ಯ ಹೆದ್ದಾರಿ ಬಾಶೆಟ್ಟಿಹಳ್ಳಿಯ ಭಾರತ್ ಪೆಟ್ರೋಲ್ ಬಂಕ್ ಬಳಿ ಸಂಭವಿಸಿದ ರಸ್ತೆ ಅಪಘಾತದ ದೃಶ್ಯ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ನೋಡುಗರ ಎದೆ ಝಲ್ ಎನ್ನಿಸುತ್ತದೆ.</p><p>ಜೂನ್ 22ರ ಮಧ್ಯಾಹ್ನ 3:48ರ ಸಮಯದಲ್ಲಿ ಅಪಘಾತ ಸಂಭವಿಸಿದ್ದು, ಸ್ಕೂಟರ್​​ಗೆ ಕಾರು ಡಿಕ್ಕಿ ಹೊಡೆದು ನಂತರ ರಸ್ತೆ ಬದಿಯ ವಿದ್ಯುತ್ ಕಂಬಕ್ಕೆ ಗುದ್ದಿದೆ. ಅಪಘಾತದ ರಭಸಕ್ಕೆ ಸ್ಕೂಟರ್​​ನಲ್ಲಿದ್ದ ಅಪ್ಪ, ಅಮ್ಮ ಮತ್ತು ಮಗಳು ಗಂಭೀರವಾಗಿ ಗಾಯಗೊಂಡಿದ್ದರು. </p><p>ಅಪಘಾತದಲ್ಲಿ ರಾಮಾಂಜಿನೇಯಲು (50), ಅನಿತಾ (38), ವೈಷ್ಣವಿ (12) ಗಂಭೀರವಾಗಿ ಗಾಯಗೊಂಡಿದ್ದು, ಅವರನ್ನು ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಘಟನೆಯ ಸಂಬಂಧ ದೊಡ್ಡಬಳ್ಳಾಪುರ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. </p><p>ಗಾಯಾಳು ರಾಮಾಂಜನೇಯಲು ಗೌರಿಬಿದನೂರು ಟೌನ್ ನಿವಾಸಿ. ದೊಡ್ಡಬಳ್ಳಾಪುರದ ಗಣೇಶ್ ಗ್ರ್ಯಾಂಡ್ ಹೊಟೇಲ್​​ನಲ್ಲಿ ಸೆಕ್ಯೂರಿಟಿ ಕೆಲಸ ಮಾಡುತ್ತಿದ್ದರು. ಜೂನ್ 22 ರಂದು ಕೆಲಸಕ್ಕೆ ರಜೆ ಹಾಕಿದ ರಾಮಾಂಜನೇಯಲು ಸ್ಕೂಟರ್​​ನಲ್ಲಿ ಹೆಂಡತಿ ಅನಿತಾ, ಸಾಕು ಮಗಳಾದ ವೈಷ್ಣವಿಯೊಂದಿಗೆ ಹಾಗೂ ಮತ್ತೊಂದು ಬೈಕ್​ನಲ್ಲಿ ಹೆಂಡತಿಯ ಅಣ್ಣ ಮತ್ತು ಆತನ ಸಂಸಾರ ಯಲಹಂಕದ ಜಿಕೆವಿಕೆಯತ್ತ ಹೊರಟಿತ್ತು.  </p><p>ತಾನೂ ಕೆಲಸ ಮಾಡುತ್ತಿದ್ದ ಗಣೇಶ್ ಗ್ರ್ಯಾಂಡ್​​ನಲ್ಲಿ ಊಟ ಮಾಡಿದ ಅವರು ಸ್ಕೂಟರ್​​ಗೆ ಪೆಟ್ರೋಲ್ ಹಾಕಿಸಲು ಪೆಟ್ರೋಲ್ ಬಂಕ್ ಬಳಿ ಹೋಗುತ್ತಿದ್ದ ವೇಳೆ ಎದುರಿಗೆ ಬಂದ ಕಾರು ಡಿಕ್ಕಿ ಹೊಡೆದಿತ್ತು. ಡಿಕ್ಕಿ ಹೊಡೆದ ರಭಸಕ್ಕೆ ಸ್ಕೂಟರ್​​ನಲ್ಲಿದ್ದ ಮೂವರು ಗಾಯಗೊಂಡಿದ್ದಾರೆ.</p><p>ಇದನ್ನೂ ಓದಿ : ಕಿತ್ತೂರಲ್ಲಿ ಭೀಕರ ರಸ್ತೆ ಅಪಘಾತ, ಮೂವರು ಕಾರ್ಮಿಕರ ದುರ್ಮರಣ: ಚಾಲಕನ ವಿರುದ್ಧ ಎಫ್ಐಆರ್</a></p>