মৃত্যু নে হত্যা ! গৃহৰক্ষী জোৱানৰ ৰহস্যজনক মৃত্যু

<p>বঙাইগাঁও : বঙাইগাঁও জিলাৰ বইটামাৰীৰ নিত্যবজাৰত গৃহৰক্ষী বাহিনীৰ এজন জোৱানৰ ৰহস্যজনক মৃত্যু ৷ ঘটনাক লৈ তীব্ৰ প্ৰতিক্ৰিয়া সমগ্ৰ বঙাইগাঁও জিলাত ৷ বঙাইগাঁৱৰ নিত্যবজাৰস্থিত ৰাখালঠাকুৰ বন শিবিৰত বুধবাৰে নিশা মৃত্যু হয় গৃহৰক্ষী জোৱানগৰাকীৰ ৷ জোৱানজন বঙাইগাঁও জিলাৰ কায়েথপাৰাৰ আব্দুল কালাম বুলি জানিব পৰা গৈছে ৷  </p><p>ৰাখালঠাকুৰ বন শিবিৰৰ বন কৰ্মীৰ লগত নিশা এক অভিযানত ওলাই গৈছিল গৃহৰক্ষী জোৱানজন ৷ তাৰপিছতে নিশা বনশিবিৰত মৃত অৱস্থাত উদ্ধাৰ হয় জোৱানজন ৷ কিন্তু কি কাৰণত কেনেকৈ জোৱানজনৰ মৃত্যু হ'ল এতিয়ালৈ জানিব পৰা হোৱা নাই ৷ সম্প্ৰতি আব্দুল কালামৰ মৃতদেহ ধুবুৰী জিলাৰ চাপৰ থানাত ৰখা হৈছে ৷ ঘটনাস্থলীত বঙাইগাঁও আৰক্ষী উপস্থিত হৈ তদন্ত আৰম্ভ কৰিছে ৷</p><p>এই সন্দৰ্ভত এজন স্থানীয় লোকে কয়, "যোৱানিশা তেওঁ ভালেই আছিল, ইয়াতে আছিল । এজন ফৰেষ্টাৰে তেওঁক ফোন কৰিছিল । কিবা অভিযানত যোৱাৰ পিছত তেওঁ যেতিয়া কাৰ্যালয়লৈ আহিছিল তেওঁক এখন বিচনাত শুৱাই ৰাখিছে । আমি যেতিয়া গৈ দেখিছোঁ তেতিয়া তেওঁৰ মুখত এটা দাগ আছে ।"</p><p>লগতে পঢ়ক: জোনাই নাহৰ নলাত ভয়াৱহ গৰাখহনীয়া; দিক-বিদিক হেৰুৱাইছে গঞা ৰাইজে</a></p><p>বেকী নদীৰ খহনীয়াৰ কালৰূপ, মথাউৰি নিৰ্মাণৰ বাবে চৰকাৰক আহ্বান ৰাইজৰ</a></p>