بالی ووڈ سپر اسٹار شاہ رخ خان نے منگلورو میں ایک خصوصی تقریب کے دوران اپنی روایتی خوش اخلاقی اور حسِ مزاح سے مداحوں کے دل جیت لیے۔ تقریب میں جب ایک خاتون مداح نے یہ اعتراف کیا کہ وہ کنگ خان سے اپنے شوہر سے بھی زیادہ محبت کرتی ہیں، تو شاہ رخ خان نے مسکراتے ہوئے مزاحیہ انداز میں کہا کہ ’یہ سب اکیلے میں بتانا چاہیے نا‘۔ ان کا یہ شاندار اور عاجزانہ ردعمل سوشل میڈیا پر تیزی سے وائرل ہو رہا ہے، جہاں مداح ایک بار پھر ان کی باوقار شخصیت اور عاجزی کی تعریفیں کر رہے ہیں۔
