Kan bale lu poblek Breizh - Ar Breizerien<br />Pozioù ha ton gant Glenmor<br /><br />Poent eo stagañ Bretoned<br /> gant stourm meur ar vro<br />Poent eo skubañ an oaled<br /> kempenn an erv<br />Un deiz e vo sklaer an amzer<br /> war henchoù don ar brezel kuzh<br />Un deiz e vo lorc'hus ha taer<br /> distro Arzhur war e marc'h ruz<br /><br />Ret 'vo dastum, Bretoned<br /> toc'had ar brezel<br />Eost du ar re 'vo daonet<br /> eo trec'h Breizh-Izel<br />Bugaligoù ha tud kalet<br /> a raio bec'h da chaseal<br />Da vountañ 'maez ar C'hallaoued<br /> da reizhañ hent, da vout feal<br /><br />Dinec'h ha krenn, Bretoned<br /> 'vo tenn ar stourmer<br />En noz 'tarzho kastellioù<br /> gweleoù ar gwasker<br />Na kriz e vo heol an argad<br /> d'ar vourc'hizien ha d'an treitour<br />Na kaer e vo luc'h an tantad<br /> da galon Breizh, d'he argadour<br /><br />An deiz a zo ker kuzet<br /> war hent an distro<br />Fenoz e vo kutuilhet<br /> enor ar rannvro<br />Kerkent dihun, kerkent dispak<br /> ha bec'h d'al loch an enebour<br />N'eus forzh penaos, n'eus forzh perak<br /> e redo nerzh 'vel red an dour
