“Şem’-i ruhuna cismimi pervâne düşürdüm<br />Evrâk-ı dili âteş-i sûzâne düşürdüm<br />Bir katre iken kendimi ummâne düşürdüm<br />Hâyfâ yolumu vâdî-i hicrâne düşürdüm<br />Takrîr edemem derd-i derûnum elemim var<br />Mevlâ’yı seversen beni söyletme gamım var<br /><br />Dinle sözümü sana direm özge edâdır<br />Dervîş olana lâzım olan aşk-ı Hudâ’dır<br />Âşıkın nesi var ise ma’şûka fedâdır<br />Semâ safâ câna vefâ rûha gıdâdır<br /><br />Aşk ile gelin eyleyelim zevk u safâyı<br />Göklere değin ir görelim hûy ile hâyı<br />Mestâne olup depredelim çeng ile nâyı<br />Semâ safâ câna vefâ rûha gıdâdır<br /><br />Ey sûfî bizim sohbetimiz câna safâdır<br />Bir cür’amızı nûş idegör derde devâdır<br />Hak ile ezel ettiğimiz ahde vefâdır<br />Semâ safâ câna vefâ rûha gıdâdır<br /><br />Aşk ile gelin tâlib-i cûyende olalım<br />Şevk ile safâlar sürelim zinde olalım<br />Hazret-i Mevlânâ’ya gelin bende olalım<br />Semâ safâ câna vefâ rûha gıdâdır.
