ჰეი, თქვენ, არაგველებო, გაუმაძღარნო ომითა,<br />თქვენს საფლავებთან მოსვლა და მუხლის მოდრეკა მომინდა.<br />შავჩოხიანო ვაჟკაცო, ჭრილობა ხომ არ შეგხსნია?!<br />ეს სისხლი არის, თუ მართლა ყაყაჩოების ცეცხლია?!<br />შავჩოხიანო ვაჟებო, ასე რამ გაგახალისათ,<br />ჟრიალი ხომ არ მოგესმათ ოჟა ჯურხაის ფარისა?!<br />სიმღერა ხომ არ მოგესმათ პატარა კახის ხმალისა?!<br />იქნებ მე თვალი მატყუებს, ზეცა მაბრმავებს კრიალა,<br /><br />მაშინ თქვენ თვითონ აღსდექით და მარქვით ომახიანად:<br /><br />თუ არც ყაყაჩოს ცეცხლია და არც ახალი იარა,<br /><br />მა ეს ბებერი კრწანისი რა ძალამ ააბდღიალა?!<br /><br />ჰეი, თქვენ, არაგველებო, გაუმაძღარნო ომითა,<br /><br />თქვენს საფლავებთან მოსვლა და მუხლის მოდრეკა მომინდა
