"Fa toy izao no nitiavan'Andriamanitra izao tontolo izao: nomeny ny Zanani-lahy Tokana, mba tsy ho very izay rehetra mino Azy, fa hanana fiainana mandrakizay." Jaona 3:16 <br /><br />Maniry mafy aho, ry Jeso Tompo ô <br />Hialoka eo ambany hazo fijalianao <br />Tsy misy toeran-kafa re izay tena mamiko <br />Ny hazo fijalianao no fiarovako <br /><br />Ny hazo fijalianao no itazanako <br />Ny tenanao izay nijaly mba ho avotro <br />Ka dia kotsan-dranomasom-pitiavana <br />Ny tavako, ry Tompo ô fa afa-keloka ! <br /><br />Am-pototry ny hazo izay nijalianao <br />No itoerako hohazavain'ny tavanao <br />Ataoko fatiantoka ny zava-mora lo <br />Ny hazo fijalianao no tombon-dahiko !
