A Cassandre <br /><br />Mignonne, allons voir si la rose <br />Qui ce matin avoit desclose <br />Sa robe de pourpre au Soleil, <br />A point perdu ceste vesprée <br />Les plis de sa robe pourprée, <br />Et son teint au vostre pareil. <br /><br />Las ! voyez comme en peu d'espace, <br />Mignonne, elle a dessus la place <br />Las ! las ses beautez laissé cheoir ! <br />Ô vrayment marastre Nature, <br />Puis qu'une telle fleur ne dure <br />Que du matin jusques au soir ! <br /><br />Donc, si vous me croyez, mignonne, <br />Tandis que vostre âge fleuronne <br />En sa plus verte nouveauté, <br />Cueillez, cueillez vostre jeunesse : <br />Comme à ceste fleur la vieillesse <br />Fera ternir vostre beauté.
