Le blog de Joël Dufresne http://www.joeldufresne.fr<br /><br />Chés parche qu’el clique municipale<br />Est moins loin que ch’terrain d’fotbale,<br />Qu’on o fouait apprèn.ne dins min tchuin<br />A tous chés joènnes d’ein instrumint.<br />J’ai point coésit on m’o donnoué<br />Ein viux clairon tout caboché,<br />J’airouais préfouéré d’el trompette<br />M’aurouait fallu du piston p’tète.<br /> A chaque foué qu’i o ein défilé<br />I feut astitcher sin clairon,<br />Mi chu toudis mes yux freumés<br />Ebleuïs par min pavillon.<br />Chés por qu’ça m’géne point qu’on m’prête<br />Ein.ne grinde cachtchette por mette dsu m’tête<br />Chu fin rétu mais ch’défilé<br />Je ne l’voué pu que sous min nez<br /> Plus d'info sur http://www.joeldufresne.fr
