Amorony fo madio (Laurent rakotomamonjy) <br /> <br />Amorony fo madio aho Andriamanitra ô! <br />Fo iray miorim-paka mafy ao Aminao <br />Handosiran’i satana, fa hivoha midanadana <br />Henika sy feno ny hasoavanao <br /> <br />Mba tolory saina tsara aho Tompo Masina ô! <br />Mba hisainako ny lala-mankany Aminao <br />Saina afaka hahalala, fa tsy ny lala-migodàna <br />No hanatrarana ilay Paradisa soa <br /> <br />Akekezo ê! ity ny tanako fikiro <br />Fa manonja anie ity rano be <br />Aza avela handeha irery <br />Tantàno an-dàlana aho sao very <br />Jesôsy ô, Ianao no tokiko <br /> <br />Ilay fanahy mahaolona nomenao ahy koa <br />Azoko ambara fa raha toa tsy arovanao <br />Dia manjary mampanahy, raha tratry ny fakam-panahy <br />Ka farany ho may sy ho ratsy fiafara <br /> <br />Ny tongotro ny tanako, ny loha ny masoko <br />Ny eritreritro, ny sofiko ny vavako <br />’Zany hoe raha atontaly, tsy zava-bitsivitsy ihany <br />F’izaho mihitsy no apetrako Aminao <br /> <br />Akekezo ê! ity ny tanako fikiro <br />Fa manonja anie ity rano be <br />Aza avela handeha irery <br />Tantàno an-dàlana aho sao very <br />Jesôsy ô, Ianao no tokiko
