Amin'ny 21 oktobra 2012 izao àry no hananganana ho Olomasina ny Olontsambatra Jacques Berthieu. Samia miomana hankalaza an'Andriamanitra miaraka amin'ny Fiangonana manontolo amin'io andro io. Dia mirary zotom-po sy herim-po hiarovana ny finoana sy ny marina ary ny masina eo amin'ny fiainantsika andavanandro. Miombom-bavaka.<br />Ry Md Jacques Berthieu, mivavaha ho anay, ho an'i Madagasikara, ho an'ny Fiangonana ary ho an'izao tontolo izao!<br /><br />Tononkira:<br /><br />1. Ry Olomasina tsaroana<br />Vavolombelon'ny finoana<br />Na dia natahotra ho faty<br />Hita ho nisotro ny aleoko maty<br />Ka tsy niahotra na kely<br />Tsy nitaraina velively<br />Loza raha matimaty foana<br />(F'ianao) maty nijoro tam-pinoana<br /><br />Ry Jacques Berthieu<br />Vavolombelona<br />Ny fiainanao maneho finoana velona<br />Ampionao izahay mba hino ihany koa<br />Hijoro ka hiray fa mpianatr'i Jesoa<br /><br />2. 'Lay misionera igagana<br />Tsotra mitepo fo mafana<br />Maika hamonjy ny marary<br />Hontsa an'ireo natao fanary<br />Nitety toeran-tsesehena<br />Nanentana ny fambolena<br />Fa hamonjy ny olo-manontolo<br />(No tanjona) tanjony mba ho an'ny daholo<br /><br />Ry Jacques Berthieu tia fihavanana<br />Ny fiainanao naneho<br />Fitiava-namana<br />Ny ohatra entinao dia lalan-tsoa tokoa<br />Ho anay havanao <br />Mba ho voavonjy koa<br /><br />3. Narovanao ireo vehivavy <br />Tamin'ny Menalamba be fiavy<br />Ianao niseho saro-piaro<br />No naharomotra ny maro<br />Ka noratraina ianao<br />Nanaovana ny tsy fanao<br />Loza ny asan'ny satana<br />(F'ianao) masina tsy isalasalana <br /><br />Ry Ray be fitia Andriamanitray<br />Ry Zanak'i Maria, Jesoa Zokinay<br />Misaotra Anao tokoa fa ny Fanahinao<br />No niaro mba ho soa ity mpanomponao<br /><br />AC: P. RABOTOSON Louis Augustin SJ
