Meri Zindagi tou firaaq hai, woh azal se dil main makeen sahi<br />Wo nigah’e_shauq se door hain, rag’e_jaan se lakh qareen sahi<br /><br />Hamein jaan dainee hai aik din, wo kisi tarah wo kahin sahi<br />Hamein aap khainchiye daar par, jo nahi koi tu hameen sahi<br /><br />Sar_e_toor ho sar_e_hasher ho, hamein intizaar qubool hai<br />Wo kabhi milein, wo kahin milein, wo kabhi sahi, wo kahin sahi<br /><br />Na ho un pe kuch mera bass nahi, k ye aashqi hai hawas nahi<br />Mai unhi ka tha, mai unhi ka hoon, wo mere nahi tu nahi sahi<br /><br />Mujhe bhaithne ki jaga milay, meri aarzoo ka bharam rahay<br />Teri anjuman mein agar nahi,teri anjuman k qareen sahi<br /><br />tera dar tau hum ko na mil saka, teri rahguzar ki zameen sahi<br />hamain sajda karne se kaam hai, jo wahan nahin tau yahin sahi<br /><br />meri zindagi ka naseeb hai nahin door mujh se qareeb hai<br />mujhay uska ghum tau naseeb hai wo agar nahin tau nahin sahih<br /><br />jo ho faisala wo sunaaiye usay hashr pe na uthaiye<br />jo karain gay app sitam wahan wo abhi sahi wo yehin sahi<br /><br />Use dekhne ki jo low lagi tu Naseer dekh hi lain gey hum<br />Wo hazaar aankh se door ho, wo hazaar pardah nasheen sahi
