Hindi Urdu Shayari "Seema Gupta on BBC 21st oct 2012"<br /><br />Seema gupta ghazals and nazm on BBC Aap ki Pasand Musical programe "with " Mr. Mohammed Mahmood"<br />1. wahi furqat ke andhere wahi angnaai ho<br />teri yaadoN ka ho mela shab-e-tanhai ho<br /><br />main usey jaanti hooN sirf usey janti hooN<br />kya zuroori hai zamane se shanasaai ho<br /><br />Itni shiddat se koi yaad bhi aaya na kare<br />Hosh mein aauon to dunya hi tamashai ho<br /><br />meri aankhoN mein kai zakhm hain mahroomi ke<br />Mere tootey huey khwaaboN ki maseehaai ho<br /><br />vo kisi aur ka hai mujh se bichar kar seema<br />koi aisa bhi zamane mein na harjaai ho <br /><br />2. Is tarah dil pe musallat hai rifaqat uski<br />band aankhoN se bhi karti huN ziarat us ki<br /><br />Wo talabgaar nahiN mera to harjaayi sahi<br />maine har haal meiN chahi thi mohabbat uski<br /><br />Dushmane-jaan hai wo kehne ko hamara lekin<br />achchi lagti hai hameiN dil se adavat uski<br /><br />kya ajab baat hai wo mujh ko nahiN mil paya<br />phir bhi sansoN mein mehakti hai hararat uski<br /><br />maine us shakhs ko palkoN pe bithaya "seema"<br />or khud se bhi nahiN ki hai shikayat uski<br />3. NAZM<br />Shab-E-Firaq me<br />qatra qatra chashm-e-tar <br />sehmi sehmi tishngi<br />KhawahishoN ke chaak girebaaN<br />hastroN ke dehkte allaw<br />karb e tanhai ka samaN hua krte haiN<br />kabhi to qurbat se kahiN<br />koi ummid ki datstak utre<br />faraib karti dil ke ruksaroN se<br />koi chirag jale madham madham<br />ki raat ke saye pe kuchh aaftab <br />Muntazir hua karte haiN.......
