QUANNO TRAMONTA O SOLE<br />Viene addu me! Cuntèntame stu core<br />che, 'a tantu tiempo, penza, aspetta e spera...<br />Lèvame 'a pietto 'sta fattura nera,<br />pecchè te chiammo cu nu vero ammore!<br /><br />Te veco, cu na rosa<br />'inte capille,<br />vicino a me...<br />Vicino a me...<br /><br />Mme pare 'e darte vase a mille a mille,<br />sempe sunnanno 'e te!<br />Sempe sunnanno 'e te...<br /><br />Siéntelo, oje bella, 'o suono 'e sti pparole<br />Viene addu me, quanno tramonta 'o sole!<br /><br />Quanno tramonta 'o sole, e tuttecosa,<br />jènne pe' s'addurmí dinta nuttata,<br />piglia 'o culore 'e na viola nfosa...<br />tanno te penzo sora e 'nnammurata!<br /><br />Tanno te sento mia<br />tutta felice,<br />senza parlá...<br />Senza parlá!<br /><br />Cu ll'uocchie dint'a ll'uocchie e po' mme dice:<br />"Quanta felicitá...<br />Quanta felicitá!..."<br /><br />Siéntelo, oje bella, 'o suono 'e sti pparole!<br />Fatte vasá, quanno tramonta 'o sole!
